ഒന്റാരിയോ: മിഡ്വെസ്റ്റേൺ ഒന്റാരിയോയിലെ തൊഴിലില്ലായ്മ നിരക്ക് ഡിസംബറിൽ നേരിയ തോതിൽ വർധിച്ചതായി ഫോർ കൗണ്ടി ലേബർ മാർക്കറ്റ് പ്ലാനിംഗ് ബോർഡ് അറിയിച്ചു. നവംബറിലെ 3.9 ശതമാനത്തിൽ നിന്നും 4 ശതമാനമായാണ് വർധന രേഖപ്പെടുത്തിയത്. കൂടുതൽ ആളുകൾ തൊഴിൽ വിപണിയിലേക്ക് എത്തിയതാണ് ഈ മാറ്റത്തിന് പ്രധാന കാരണമെന്ന് അധികൃതർ വ്യക്തമാക്കി.
കഴിഞ്ഞ മാസം 3,000 പേരാണ് പുതുതായി തൊഴിൽ സേനയുടെ ഭാഗമായത്. ഇതോടെ ഹ്യൂറോൺ, ബ്രൂസ്, ഗ്രേ, പെർത്ത് കൗണ്ടികളിലെ താമസക്കാരിൽ 62.8 ശതമാനം പേർ പ്രവൃത്തിപ്രായമുള്ളവരായി മാറി. ഡിസംബറിൽ മേഖലയിൽ 2,700 പാർട്ട് ടൈം ജോലികൾ പുതുതായി സൃഷ്ടിക്കപ്പെട്ടപ്പോൾ, 100 ഫുൾ ടൈം ജോലികൾ നഷ്ടമായതായും റിപ്പോർട്ട് വ്യക്തമാക്കുന്നു. കൃഷി, യൂട്ടിലിറ്റീസ്, കൺസ്ട്രക്ഷൻ എന്നീ മേഖലകളിലാണ് കൂടുതൽ തൊഴിൽ നേട്ടമുണ്ടായത്.
ഒന്റാരിയോ പ്രവിശ്യയിലെ ശരാശരി തൊഴിലില്ലായ്മ നിരക്ക് 7 ശതമാനമായിരിക്കെ, അതിനേക്കാൾ 3 ശതമാനം കുറഞ്ഞ നിരക്കുമായി മിഡ്വെസ്റ്റേൺ ഒന്റാറിയോ ഇപ്പോഴും മുന്നിൽ നിൽക്കുകയാണ്. തൊഴിൽ വിപണിയിൽ സജീവമാകുന്നവരുടെ എണ്ണം കൂടുന്നതും അല്ലാത്തവരുടെ എണ്ണം കുറയുന്നതും മേഖലയെ സംബന്ധിച്ച് ശുഭസൂചനയാണെന്ന് പ്ലാനിംഗ് ബോർഡ് എക്സിക്യൂട്ടീവ് ഡയറക്ടർ ഡാന സൂസി പറഞ്ഞു.
2025-ലെ ലോക്കൽ ലേബർ മാർക്കറ്റ് പ്ലാൻ ഫെബ്രുവരിയിൽ പുറത്തിറക്കുമെന്നും അവർ വ്യക്തമാക്കി. കോവിഡ് കാലത്തിന് ശേഷം ബ്രൂസ്, ഗ്രേ, ഹ്യൂറോൺ, പെർത്ത് മേഖലയിലെ തൊഴിൽ അവസരങ്ങളിൽ ഗണ്യമായ വർധനയുണ്ടായിട്ടുണ്ട്. നിലവിൽ വിവിധ മേഖലകളിലായി 1,200-ലധികം തൊഴിൽ ഒഴിവുകൾ റിപ്പോർട്ട് ചെയ്തിട്ടുണ്ടെന്നും പ്ലാനിംഗ് ബോർഡ് അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=wwt
Midwestern Ontario unemployment rate rises slightly, report says
