ടൊറന്റോ: സംരംഭകർക്കായി സംഘടിപ്പിക്കുന്ന ‘ദ ഫ്രാഞ്ചൈസി ഷോ’ ജനുവരി 17, 18 തീയതികളിൽ മെട്രോ ടൊറന്റോ കൺവെൻഷൻ സെന്ററിൽ നടക്കും. പുതിയ ഉടമകളെ തേടുന്ന നൂറ്റിയമ്പത്തിയഞ്ചിലധികം പ്രമുഖ ഫ്രാഞ്ചൈസി ബ്രാൻഡുകളുടെ പ്രതിനിധികളുമായി നേരിട്ട് ആശയവിനിമയം നടത്താൻ മേള അവസരമൊരുക്കും. ‘സിക്സ്റ്റി വിങ്സ്’ (6IXTY WINGS) ആണ് ഈ പ്രദർശനം അവതരിപ്പിക്കുന്നത്. മുഴുവൻ സമയ സംരംഭങ്ങൾക്കും പാർട്ട് ടൈം അവസരങ്ങൾക്കുമായി മികച്ച ബിസിനസ് മാതൃകകൾ മേളയിൽ പ്രദർശിപ്പിക്കും.
ഹോം സർവീസുകൾ, റെസ്റ്റോറന്റുകൾ, ആരോഗ്യ സംരക്ഷണം, ഓട്ടോമോട്ടീവ്, പെറ്റ് സർവീസുകൾ, വിദ്യാഭ്യാസം തുടങ്ങി വിവിധ മേഖലകളിലെ സംരംഭങ്ങൾ ഇതിൽ ഉൾപ്പെടുന്നു. ബിസിനസ് വിദഗ്ധർ നയിക്കുന്ന സൗജന്യ സെമിനാറുകൾ മേളയുടെ ഭാഗമായി നടക്കുമെന്ന് സംഘാടകർ അറിയിച്ചു.
പ്രദർശനത്തിനുള്ള ടിക്കറ്റുകളുടെ വിതരണം ആരംഭിച്ചിട്ടുണ്ട്. പരിമിതമായ ടിക്കറ്റുകൾ മാത്രമാണ് ലഭ്യമാവുകയെന്ന് അധികൃതർ വ്യക്തമാക്കി. മികച്ച ബിസിനസ് അവസരങ്ങൾ കണ്ടെത്തുന്നതിനും വ്യവസായ പ്രമുഖരിൽ നിന്ന് നേരിട്ട് ഉപദേശങ്ങൾ തേടുന്നതിനും പ്രദർശനം പ്രയോജനപ്പെടുമെന്നാണ് വിലയിരുത്തൽ.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=wwt
Want to start your own business? ‘The Franchise Show’ in Toronto on January 17
