ഒട്ടാവ: കാനഡയിലെ വിദേശ വിദ്യാർത്ഥികൾക്ക് കാമ്പസിന് പുറത്ത് ജോലി ചെയ്യാവുന്ന സമയപരിധിയിൽ പുതിയ നിബന്ധനകൾ ഏർപ്പെടുത്തി കനേഡിയൻ ഇമിഗ്രേഷൻ വിഭാഗം (IRCC). ആഴ്ചയിൽ പരമാവധി 24 മണിക്കൂർ മാത്രമേ ഇനി വിദ്യാർത്ഥികൾക്ക് കാമ്പസിന് പുറത്ത് ജോലി ചെയ്യാൻ അനുവാദമുണ്ടാകൂ. കോവിഡ് കാലത്തെ ഇളവുകൾ അവസാനിപ്പിച്ചതിനെത്തുടർന്നാണ് പഠനത്തിന് കൂടുതൽ പ്രാധാന്യം നൽകിക്കൊണ്ടുള്ള പുതിയ പരിഷ്കാരം നടപ്പിലാക്കുന്നത്.
അംഗീകൃത വിദ്യാഭ്യാസ സ്ഥാപനങ്ങളിൽ (DLI) മുഴുവൻ സമയ കോഴ്സുകൾക്ക് ചേർന്നവർക്ക് മാത്രമാണ് ഈ ആനുകൂല്യം ലഭിക്കുക. കുറഞ്ഞത് ആറ് മാസമെങ്കിലും ദൈർഘ്യമുള്ള കോഴ്സ് ആയിരിക്കണം. കൂടാതെ, പഠനാനുമതി പത്രത്തിൽ (Study Permit) ജോലി ചെയ്യാൻ അനുവാദമുണ്ടെന്ന് വ്യക്തമായി രേഖപ്പെടുത്തിയിരിക്കണം. ജോലിയിൽ പ്രവേശിക്കുന്നതിന് മുൻപായി സോഷ്യൽ ഇൻഷുറൻസ് നമ്പറിനായി (SIN) അപേക്ഷിക്കേണ്ടത് നിർബന്ധമാണ്.
അധ്യയന കാലയളവിൽ ആഴ്ചയിൽ 24 മണിക്കൂർ എന്ന പരിധി നിശ്ചയിച്ചിട്ടുണ്ടെങ്കിലും അവധിക്കാലങ്ങളിൽ വിദ്യാർത്ഥികൾക്ക് നിയന്ത്രണങ്ങളില്ലാതെ ജോലി ചെയ്യാം. വേനൽക്കാല അവധി, ശൈത്യകാല അവധി തുടങ്ങിയ സമയങ്ങളിൽ മുഴുവൻ സമയ ജോലികളിൽ ഏർപ്പെടാൻ അനുവാദമുണ്ട്. അതേസമയം, കാമ്പസിനുള്ളിലെ ജോലികൾക്ക് ആഴ്ചയിൽ നിശ്ചിത സമയപരിധി ബാധകമല്ലെന്ന് ഇമിഗ്രേഷൻ വിഭാഗം വ്യക്തമാക്കുന്നു.
പഠനാനുമതി പത്രത്തിലെ നിബന്ധനകൾ ലംഘിച്ച് നിശ്ചിത സമയത്തിൽ കൂടുതൽ ജോലി ചെയ്യുന്നവർക്കെതിരെ കർശന നടപടിയുണ്ടാകും.
വിദ്യാർത്ഥി പദവി നഷ്ടപ്പെടാനും ഭാവിയിലെ വിസ അപേക്ഷകളെയോ വർക്ക് പെർമിറ്റിനെയോ ഇത് ദോഷകരമായി ബാധിക്കാനും സാധ്യതയുണ്ട്. പഠനത്തിന് പകരം തൊഴിലിന് വിദ്യാർത്ഥികൾ കൂടുതൽ മുൻഗണന നൽകുന്നത് അക്കാദമിക് നിലവാരത്തെ ബാധിക്കുന്നു എന്ന വിലയിരുത്തലിനെത്തുടർന്നാണ് ഈ മാറ്റങ്ങൾ.
കാനഡയിലെ വിദേശ വിദ്യാർത്ഥികളിൽ ഭൂരിഭാഗവും ഇന്ത്യക്കാരായതിനാൽ പുതിയ നിയമം ആയിരക്കണക്കിന് മലയാളി വിദ്യാർത്ഥികളെയും ബാധിക്കും. വർദ്ധിച്ചുവരുന്ന ജീവിതച്ചെലവും ട്യൂഷൻ ഫീസും കണ്ടെത്താൻ പാർട്ട് ടൈം ജോലിയെ ആശ്രയിക്കുന്ന വിദ്യാർത്ഥികൾക്ക് പുതിയ സമയപരിധി വലിയ വെല്ലുവിളിയാകും. സാമ്പത്തിക ശേഷി തെളിയിക്കുന്നതിനുള്ള മാനദണ്ഡങ്ങളിലും കാനഡ ഇതിനോടകം മാറ്റങ്ങൾ വരുത്തിയിട്ടുണ്ട്.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
canada-student-work-rules-2026-who-can-work-how-many-hours-and-whats-allowed-for-indian-students-
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
