സെന്റ് ജോൺ: 50-ാം പിറന്നാൾ ആഘോഷിക്കാൻ ന്യൂ ബ്രൺസ്വിക്കിലെ ദുർഘടമായ ഫണ്ടി ഫുട്പാത്ത് (Fundy Footpath) റണ്ണിംഗിലൂടെ കീഴടക്കി പ്രമുഖ കനേഡിയൻ ഫോട്ടോഗ്രാഫറും സംവിധായകനുമായ മാർക്ക് ഹെമ്മിങ്സ്. കേവലം 17.5 മണിക്കൂർ കൊണ്ടാണ് അദ്ദേഹം 42 കിലോമീറ്റർ ദൂരമുള്ള വന്യപാത ഓടിത്തീർത്തത്. 50 വയസ്സ് എന്ന നാഴികക്കല്ലിനെ തൻ്റെ ശാരീരിക-മാനസിക അവസ്ഥക്ക് വിപരീതമായി വെല്ലുവിളിക്കാനാണ് ഈ സാഹസിക യാത്ര തിരഞ്ഞെടുത്തതെന്ന് ഹെമ്മിംഗ്സ് പറഞ്ഞു. ഹെമ്മിംഗ്സിന്റെ ഈ ഒറ്റയാൾ ട്രെക്കിംഗ് ഇപ്പോൾ “ഫാസ്റ്റസ്റ്റ് നോൺ ടൈം ഓൺ ദി ഫണ്ടി ഫുട്പാത്ത്” എന്ന പേരിൽ ഒരു ഡോക്യുമെന്ററിയായി പുറത്തിറക്കിയിട്ടുണ്ട്.
ലോകമെമ്പാടുമുള്ള മനോഹരമായ റൂട്ടുകളിലെ റണ്ണിംഗ് സമയം രേഖപ്പെടുത്തുന്ന ‘ഫാസ്റ്റസ്റ്റ് നോൺ ടൈം’ വെബ്സൈറ്റിന്റെ വെല്ലുവിളി ഏറ്റെടുത്താണ് അദ്ദേഹം ഈ ഓട്ടം നടത്തിയത്. 2024 ഏപ്രിലിൽ, 50-ാം വയസ്സിൽ രണ്ട് സുഹൃത്തുക്കൾക്കൊപ്പം പുലർച്ചെ 4:30-നാണ് ഹെമ്മിംഗ്സ് ഓട്ടം ആരംഭിച്ചത്. ബേ ഓഫ് ഫണ്ടി തീരത്തിലൂടെ കടന്നുപോകുന്ന ഈ പാത എല്ലാ വർഷവും നൂറുകണക്കിന് ഓട്ടക്കാരെയും ഹൈക്കർമാരെയും ആകർഷിക്കാറുണ്ട്. 2021-ൽ ക്രിസ് വാട്സൺ ആറ് മണിക്കൂർ 20 മിനിറ്റ് കൊണ്ട് പൂർത്തിയാക്കിയതാണ് ഈ റൂട്ടിലെ നിലവിലെ റെക്കോർഡ്.
ഒരു വർഷം നീണ്ട കഠിന പരിശീലനത്തിനൊടുവിലാണ് ഹെമ്മിംഗ്സ് ഈ ശ്രമം നടത്തിയത്. ഓട്ടത്തിനിടെയുള്ള യാത്ര പൂർണ്ണമായി അദ്ദേഹം തന്നെ ഡോക്യുമെന്റ് ചെയ്യുകയും ചെയ്തു. യാത്രയെക്കുറിച്ചുള്ള ഈ ഡോക്യുമെന്ററി ചിത്രം സെന്റ് ജോണിൽ ഒക്ടോബർ 16-ന് നടക്കുന്ന ഔട്ട്ഡോർ ഔട്ട്ഡോർ ഫിലിം ഫെസ്റ്റിവലിൽ പ്രദർശനത്തിനെത്തും. 40 മിനിറ്റ് ദൈർഘ്യമുള്ള ചിത്രം എഡിറ്റിംഗിന് ശേഷം 18 മിനിറ്റായി ചുരുക്കിയാണ് ഫിലിം ഫെസ്റ്റിവലിൽ അവതരിപ്പിക്കുന്നത്. പ്രകൃതിദത്തമായ പാതകൾ ആസ്വദിക്കാൻ ആളുകളെ പ്രോത്സാഹിപ്പിക്കുക, വാർധക്യം, 50 വയസ്സ് തികയുന്നത് എന്നിവയുമായി ബന്ധപ്പെട്ട് ഒരാൾക്ക് ഉണ്ടാകുന്ന വൈകാരിക മാറ്റങ്ങൾ ചർച്ച ചെയ്യുക എന്നിവയാണ് തന്റെ സിനിമയുടെ പ്രധാന ലക്ഷ്യമെന്നും മാർക്ക് ഹെമ്മിംഗ്സ് കൂട്ടിച്ചേർത്തു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
