നോവ സ്കോഷ്യ: വെസ്റ്റ് ഡൽഹൗസിയിൽ പടരുന്ന ലോങ് ലേക്ക് കാട്ടുതീ അണയ്ക്കാൻ ശ്രമിക്കുന്ന രക്ഷാപ്രവർത്തകർക്ക് വരണ്ട കാലാവസ്ഥ വെല്ലുവിളിയാകുന്നു. ഓഗസ്റ്റ് 13 മുതൽ ആരംഭിച്ച തീപിടിത്തം 8,468 ഹെക്ടർ സ്ഥലത്തേക്ക് വ്യാപിച്ചതായി അധികൃതർ അറിയിച്ചു. വെസ്റ്റ് ഡൽഹൗസിയിൽ പടരുന്ന തീ നിയന്ത്രണവിധേയമാക്കാൻ രക്ഷാപ്രവർത്തകർ ശ്രമിച്ചുക്കൊണ്ടിരിക്കുകയാണ്. എന്നാൽ, വരണ്ട കാലാവസ്ഥ രക്ഷാപ്രവർത്തനത്തെ കൂടുതൽ ദുഷ്കരമാക്കുന്നു. ഓഗസ്റ്റ് 13 മുതൽ കത്തുന്ന തീ തിങ്കളാഴ്ചയാണ് നിയന്ത്രണത്തിലാക്കിയത്.
തീപിടിത്തമുണ്ടായ സ്ഥലങ്ങളിൽ ഇപ്പോഴും തീവ്രമായി കത്തിക്കൊണ്ടിരിക്കുന്ന ഇടങ്ങൾ (Hotspots) ഉണ്ട്. ഇത് നിയന്ത്രിക്കാനുള്ള ശ്രമത്തിലാണ് ഉദ്യോഗസ്ഥർ. കൂടാതെ, അപകടകരമായ മരങ്ങൾ മുറിച്ചുമാറ്റിയും തീ കൂടുതൽ വ്യാപിക്കുന്നത് തടയാൻ ശ്രമിക്കുന്നുണ്ട്. “വരണ്ട കാലാവസ്ഥ കാരണം രക്ഷാപ്രവർത്തനം കൂടുതൽ കഠിനമായിരിക്കുന്നു,” ഡിപ്പാർട്ട്മെന്റ് ഓഫ് നാച്ചുറൽ റിസോഴ്സ് (DNR) പുറത്തിറക്കിയ പ്രസ്താവനയിൽ പറയുന്നു. തീപിടിത്തത്തിന്റെ തെക്ക് ഭാഗത്താണ് ഇപ്പോഴും കൂടുതൽ തീവ്രമായി കത്തിക്കൊണ്ടിരിക്കുന്നത്.
ഹെലികോപ്റ്ററുകളും വിമാനങ്ങളും ഉപയോഗിച്ച് വെള്ളം പമ്പ് ചെയ്ത് തീ കെടുത്താൻ ശ്രമിക്കുന്നുണ്ട്. രക്ഷാപ്രവർത്തനങ്ങൾക്കായി 47 ഡി.എൻ.ആർ. അഗ്നിശമന സേനാംഗങ്ങളും 60 ക്യൂബെക് അഗ്നിശമന സേനാംഗങ്ങളും സ്ഥലത്തുണ്ട്. ഇവരെ കൂടാതെ എട്ട് ഹെലികോപ്റ്ററുകൾ, നാല് വിമാനങ്ങൾ, ഏഴ് ഹെവി ഉപകരണങ്ങൾ, ഏഴ് വാട്ടർ ടാങ്കറുകൾ, മറ്റ് ജീവനക്കാർ എന്നിവരും സ്ഥലത്തുണ്ട്.
സെപ്റ്റംബർ 15 വരെ സംസ്ഥാനത്ത് വനങ്ങളിലേക്കുള്ള പ്രവേശനം നിരോധിച്ചിട്ടുണ്ട്. നിയമലംഘകർക്ക് 25,000 ഡോളർ പിഴ ചുമത്തും. അന്നാപോളിസ് കൗണ്ടിയിലെ മുനിസിപ്പാലിറ്റിയിൽ അടിയന്തരാവസ്ഥ പ്രഖ്യാപിച്ചിരിക്കുകയാണ്. കൂടുതൽ വിവരങ്ങൾക്കായി അന്നാപോളിസ് കൗണ്ടിയിലെ മുനിസിപ്പാലിറ്റിയുടെ വെബ്സൈറ്റ് സന്ദർശിക്കാവുന്നതാണ്.
കാനഡയിലെ ഏറ്റവും പുതിയ വാർത്തകൾക്കായി:
