എഡ്മണ്ടണ്: യാത്രക്കാരിയെ ലൈംഗികമായി പീഡിപ്പിച്ച കേസിൽ ഇന്ത്യക്കാരനായ ഊബർ ഡ്രൈവർ അറസ്റ്റിലായതായി എഡ്മന്റണ് പോലീസ് റിപ്പോര്ട്ട് ചെയ്തു. 32 വയസ്സുള്ള ഗുർവീന്ദർ പന്നു എന്നയാളെയാണ് പോലീസ് അറസ്റ്റ് ചെയ്തത്. ജൂൺ 30-നാണ് കേസിനാസ്പദമായ സംഭവം നടന്നത്. പുലർച്ചെ 1:56-ന് 109 സ്ട്രീറ്റിലെ 101 അവന്യൂവിൽ നിന്ന് ഗുർവീന്ദർ യുവതിയെ ടാക്സിയിൽ കൂട്ടികൊണ്ടുപോയി, ഒഴിഞ്ഞ സ്ഥലത്ത് എത്തിച്ച് പീഡിപ്പിച്ചു.
സംഭവം നടന്ന് ഏകദേശം രണ്ടുമാസത്തിനു ശേഷം ഓഗസ്റ്റ് 30-നാണ് യുവതി പോലീസിൽ പരാതി നൽകിയത്. പരാതിയുടെ അടിസ്ഥാനത്തിൽ ഗുർവീന്ദർ പന്നുവിനെ പോലീസ് കസ്റ്റഡിയിലെടുത്ത് ലൈംഗികാതിക്രമത്തിന് കേസെടുത്തു. എന്നാൽ, കേസിൽ അറസ്റ്റ് ചെയ്ത ഇയാൾക്ക് പിന്നീട് ജാമ്യം ലഭിച്ചു.
ടാക്സി സേവനങ്ങൾ ചെയ്യാൻ പാടില്ല, സ്ത്രീകളുമായി ബന്ധപ്പെടാൻ ശ്രമിക്കരുത്, ആയുധങ്ങൾ കൈവശം വെക്കരുത് തുടങ്ങിയ കർശന ഉപാധികളോടെയാണ് കോടതി ഗുർവീന്ദറിന് ജാമ്യം അനുവദിച്ചത്. ഈ നിബന്ധനകൾ ലംഘിച്ചാൽ ഇയാളുടെ ജാമ്യം റദ്ദാക്കിയേക്കാം. നിയമനടപടികൾ പുരോഗമിച്ചുവരികയാണെന്ന് അധികൃതർ അറിയിച്ചു.
കാനഡ വാർത്തകൾ മലയാളത്തിൽ ലഭിക്കുവാൻ താഴെയുള്ള ലിങ്ക് വഴി Canada Talks വാട്സ്ആപ്പ് ഗ്രൂപ്പിൽ അംഗമാകൂ : https://chat.whatsapp.com/JNSnrvnSqw1DUJljLTLp82
Sexual assault case: Indian Uber driver arrested in Edmonton
