തനിക്ക് മുകളിലുള്ള അപ്പാർട്ട്മെൻ്റിലേക്ക് തുരങ്കമുണ്ടാക്കി കയറിയ ഒരാൾക്കെതിരെ പോലീസ് കേസെടുത്തു. സെപ്റ്റംബർ 5-ന്, തെക്ക്-പടിഞ്ഞാറൻ കാൽഗറിയിലെ കോച്ച് ഹിൽ റോഡിലെ 6400 ബ്ലോക്കിൽ ഒരു വീട്ടിൽ അതിക്രമിച്ച് കയറിയതായി പോലീസിന് റിപ്പോർട്ട് ലഭിച്ചു. തന്റെ താഴത്തെ നിലയിലെ അയൽക്കാരനുമായി പ്രശ്നങ്ങളുണ്ടായിരുന്നതായി വീട്ടുടമ പോലീസിനോട് പറഞ്ഞു.
യാത്ര കഴിഞ്ഞ് വീട്ടിൽ തിരിച്ചെത്തിയപ്പോൾ വാതിൽ പൂട്ടിയിരുന്നിട്ടും വീടിനുള്ളിൽ വലിയൊരു മാറ്റം കണ്ടു. തറയിൽ ഒരു വലിയ ദ്വാരം കണ്ടെന്നും അവർ പോലീസിനോട് പറഞ്ഞു. സ്ത്രീയുടെ താഴത്തെ നിലയിൽ താമസിക്കുന്നയാൾ, ഒരു തുരങ്കമുണ്ടാക്കി ഫയർപ്ലേസിന് പിന്നിലെ ഒഴിഞ്ഞ സ്ഥലത്തുകൂടി അവരുടെ വീട്ടിലേക്ക് കടന്നതായി അന്വേഷണ ഉദ്യോഗസ്ഥർ കണ്ടെത്തി.
ഉദ്യോഗസ്ഥർ തെളിവുകൾ ശേഖരിക്കുകയും തുടർന്ന് കോടതിയുടെ അനുമതിയോടെ തിങ്കളാഴ്ച പോലീസെത്തി ഇയാളെ കസ്റ്റഡിയിലെടുത്തു. 46 വയസ്സുള്ള കാൽഗറി സ്വദേശിയായ ബെൻ എഡ്വേർഡ് മെയ്സിനെയാണ് പോലീസ് അറസ്റ്റ് ചെയ്തത്. ഇയാൾക്കെതിരെ അതിക്രമിച്ച് കയറൽ, ക്രിമിനൽ ഉപദ്രവം, 5,000 ഡോളറിൽ കൂടുതൽ വിലവരുന്ന വസ്തുവകകൾക്ക് കേടുപാടുകൾ വരുത്തൽ, കോടതി ഉത്തരവ് ലംഘിക്കൽ എന്നീ കുറ്റങ്ങൾ ചുമത്തി. വെള്ളിയാഴ്ച കോടതിയിൽ ഹാജരാക്കും.
ഈ സംഭവം ഒരാളുടെ സ്വകാര്യ ഇടത്തിനും സുരക്ഷയ്ക്കും നേരെയുണ്ടായ ഒരു വലിയ ആക്രമണമാണ്,” കാൽഗറി പോലീസ് ഇൻസ്പെക്ടർ കീത്ത് ഹർലി പറഞ്ഞു. “മറ്റൊരാളുടെ വീട്ടിലേക്ക് അതിക്രമിച്ചു കയറാൻ ഇത്രയും ദൂരത്തേക്ക് ഒരാൾ തുരങ്കമുണ്ടാക്കി എന്നത് ഞെട്ടിക്കുന്നതാണ്. ഇത് നമ്മുടെയെല്ലാം സുരക്ഷിതത്വമെന്ന അടിസ്ഥാനപരമായ ധാരണയെ ഇല്ലാതാക്കുന്നുവെന്ന് അധികൃതർ പറയുന്നു.
ഈ സംഭവത്തെക്കുറിച്ച് എന്തെങ്കിലും വിവരങ്ങൾ ലഭിക്കുന്നവർ 403-266-1234 എന്ന നമ്പറിൽ പോലീസുമായി ബന്ധപ്പെടണമെന്ന് അധികൃതർ അറിയിച്ചു. പേര് വെളിപ്പെടുത്താൻ ആഗ്രഹിക്കാത്തവർക്ക് 1-800-222-8477 എന്ന നമ്പറിൽ ക്രൈം സ്റ്റോപ്പേഴ്സിനെ വിളിക്കുകയോ ഓൺലൈൻ വഴിയോ P3 ടിപ്സ് ആപ്പ് ഡൗൺലോഡ് ചെയ്തോ വിവരങ്ങൾ നൽകാം.
youth arrested for breaking into neighbor’s house by digging a tunnel
കാനഡ വാർത്തകൾ മലയാളത്തിൽ ലഭിക്കുവാൻ താഴെയുള്ള ലിങ്ക് വഴി Canada Talks വാട്സ്ആപ്പ് ഗ്രൂപ്പിൽ അംഗമാകൂ : https://chat.whatsapp.com/JNSnrvnSqw1DUJljLTLp82
