കാനഡയിൽ ആർഎസ്എസ് നിരോധിച്ചെന്ന തരത്തിൽ ഒരു വീഡിയോ സോഷ്യൽമീഡിയയിൽ വ്യാപകമായി പ്രചരിക്കുന്നുണ്ട്. എന്നാൽ എന്താണ് ഈ വീഡിയോയുടെ വാസ്തവം. എന്നാൽ ഈ പ്രചാരണം വ്യാജമാണെന്നാണ് അന്വേഷണത്തിൽ മനസ്സിലാക്കാൻ സാധിക്കുന്നത്. പ്രചരിക്കുന്ന വീഡിയോയിൽ ഉള്ളത് എൻസിസിഎം (National Council of Canadian Muslims) സിഇഒ സ്റ്റീഫൻ ബ്രൗൺ ആണ്. എൻസിസിഎം ഒരു സ്വതന്ത്ര സംഘടനയാണ്. കനേഡിയൻ സർക്കാരുമായി ഈ സംഘടനയ്ക്ക് യാതൊരു ബന്ധവുമില്ല. അതുകൊണ്ടുതന്നെ ഈ സംഘടനയുടെ ആവശ്യങ്ങൾ കാനഡയുടെ ഔദ്യോഗിക നിലപാടല്ല. ആർഎസ്എസിനെ കാനഡയിൽ നിരോധിച്ചതായി ഔദ്യോഗിക റിപ്പോർട്ടുകളൊന്നും ഇതുവരെ പുറത്തുവന്നിട്ടില്ല.
കഴിഞ്ഞ കുറച്ചു നാളുകളായി സമൂഹമാധ്യമങ്ങളിൽ കാനഡയിൽ ആർഎസ്എസ് നിരോധിച്ചു എന്ന അവകാശവാദത്തോടെ ഈ വീഡിയോ പ്രചരിക്കാൻ തുടങ്ങിയിട്ട്. ഇന്ത്യയും കാനഡയും തമ്മിലുള്ള നയതന്ത്രബന്ധം വഷളായ പശ്ചാത്തലത്തിലാണ് ഈ പ്രചാരണങ്ങൾ കൂടുതലായി പ്രചരിക്കുന്നത്. എന്നാൽ, ഇത് പൂർണ്ണമായും തെറ്റിദ്ധാരണാജനകമായ വിവരങ്ങളാണ്.
എൻസിസിഎം സിഇഒ ആയ സ്റ്റീഫൻ ബ്രൗണിന്റെ വീഡിയോയിൽ അദ്ദേഹത്തിന്റെ സംഘടന മുന്നോട്ട് വെക്കുന്ന ആവശ്യങ്ങളാണ് പറയുന്നത് കാനഡയിലെ വേൾഡ് സിഖ് ഓർഗനൈസേഷന്റെ ഡയറക്ടർ ബോർഡ് അംഗം മുഖ്ബീർ സിങ്ങുമായി ചേർന്ന് നടത്തിയ ഒരു സംയുക്ത പ്രസ്താവനയുടെ ഭാഗമാണിത്.
ഇന്ത്യയിലെ കനേഡിയൻ അംബാസഡറെ തിരിച്ചുവിളിക്കുക, കാനഡയിലെ ഇന്ത്യൻ ഹൈക്കമ്മീഷണറെ പുറത്താക്കുക, ഇന്ത്യയുമായുള്ള വ്യാപാര ചർച്ചകൾ മരവിപ്പിക്കുക, ആർഎസ്എസിനെ കാനഡയിൽ നിരോധിക്കുക, ഇന്ത്യൻ ഏജന്റുമാരെ കാനഡയിൽ നിന്ന് പുറത്താക്കുക തുടങ്ങിയ ആവശ്യങ്ങളാണ് വീഡിയോയി പ്രധാനമായും ഉന്നയിക്കുന്നത്.
ഈ ആവശ്യങ്ങൾ എൻസിസിഎം എന്ന സംഘടനയുടേത് മാത്രമാണ്, അല്ലാതെ കാനഡ സർക്കാരിന്റെ ഔദ്യോഗിക തീരുമാനമല്ല. മാത്രമല്ല, എൻസിസിഎം സംഘടനയ്ക്ക് കാനഡ സർക്കാരുമായി ഔദ്യോഗിക ബന്ധമില്ലെന്ന് അവരുടെ വെബ്സൈറ്റിൽ വ്യക്തമാക്കുന്നുണ്ട്. ആർഎസ്എസിനെ കാനഡ സർക്കാർ നിരോധിച്ചതായി ഇതുവരെ യാതൊരു ഔദ്യോഗിക റിപ്പോർട്ടുകളുമില്ല. അതിനാൽ ഈ പ്രചാരണം പൂർണ്ണമായും വ്യാജമാണ്.
Has RSS been banned in Canada? What is the truth behind the video circulating on social media?
