കാനഡയിലേക്ക് കുടിയേറാൻ ആഗ്രഹിക്കുന്ന 2500 അപേക്ഷകർക്ക് എക്സ്പ്രസ് എൻട്രി സിസ്റ്റം വഴി ഇൻവിറ്റേഷൻ ലഭിച്ചു. ഈ വർഷം നടന്ന ആരോഗ്യമേഖലയിലെ പ്രൊഫഷണലുകൾക്കായുള്ള ഏറ്റവും വലിയ രണ്ടാമത്തെ നറുക്കെടുപ്പാണ് ഇന്ന് നടന്നത്. ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) നടത്തിയ ഈ നറുക്കെടുപ്പിൽ ഹെൽത്ത് കെയർ, സോഷ്യൽ സർവീസസ് മേഖലയിലുള്ള 2,500 പേർക്കാണ് ഇൻവിറ്റേഷൻ ടു അപ്ലൈ (ITA) ലഭിച്ചത്. 470 കോംപ്രിഹെൻസിവ് റാങ്കിംഗ് സിസ്റ്റം (CRS) സ്കോറുള്ള അപേക്ഷകരെയാണ് ഈ ഡ്രോയിൽ പരിഗണിച്ചത്. 2025 ഏപ്രിൽ 23-ന് 8:08 p.m. (UTC) ന് മുമ്പ് എക്സ്പ്രസ് എൻട്രി പ്രൊഫൈൽ ഉണ്ടാക്കിയിരുന്നവർക്കാണ് ഇൻവിറ്റേഷൻ ലഭിച്ചത്.
ഈ മാസത്തിൽ നടക്കുന്ന അഞ്ചാമത്തെയും ഈ ആഴ്ചയിലെ രണ്ടാമത്തെയും എക്സ്പ്രസ് എൻട്രി നറുക്കെടുപ്പാണിത്. ഇതിന് മുൻപ് ഓഗസ്റ്റ് 18-ന് പ്രൊവിൻഷ്യൽ നോമിനി പ്രോഗ്രാം (PNP) ഡ്രോയും ഓഗസ്റ്റ് 8-ന് ഫ്രഞ്ച് ഭാഷാ പ്രാവീണ്യമുള്ളവർക്കുള്ള ഡ്രോയും ഓഗസ്റ്റ് 7-ന് കനേഡിയൻ എക്സ്പീരിയൻസ് ക്ലാസ് (CEC) ഡ്രോയും നടന്നിരുന്നു.
2025-ൽ ഇതുവരെ, എക്സ്പ്രസ് എൻട്രി സിസ്റ്റം വഴി IRCC 55,820 ഇൻവിറ്റേഷൻ നൽകിയിട്ടുണ്ട്. ഈ വർഷം നടന്ന എക്സ്പ്രസ് എൻട്രി നറുക്കെടുപ്പുകളിൽ കൂടുതലും PNP, CEC, ഫ്രഞ്ച് ഭാഷാ പ്രാവീണ്യമുള്ളവർ,മുൻഗണനാ പട്ടികയിലുള്ള തൊഴിൽ മേഖലകൾ എന്നിവയ്ക്കായിരുന്നു.
Express Entry Health Care Draw
