കാനഡയിൽ നിന്ന് നാട്ടിലെത്തി പുതിയ സിം എടുക്കാൻ പ്ലാനുണ്ടോ? ഇക്കാര്യങ്ങൾ സൂക്ഷിക്കണം, കാത്തിരിക്കുന്നത് വലിയ സുരക്ഷാപ്രശ്നം

കാനഡയിൽ നിന്ന് നാട്ടിലേക്ക് വരുമ്പോൾ പുതിയ പുതിയ സിം കാർഡ് എടുക്കാൻ ഉദ്ദേശമുണ്ടോ? എങ്കിൽ ഇക്കാര്യങ്ങൾ തീർച്ചയായും ശ്രദ്ധിക്കണം. മൊബൈൽ നമ്പറുകൾ റദ്ദാക്കിയാലും വാട്ട്‌സ്ആപ്പ് പോലുള്ള ആപ്പുകളിലെ അക്കൗണ്ടുകൾ അതേ നമ്പറിൽ നിലനിൽക്കുന്നത് ആ നമ്പർ പുതിയതായി എടുക്കുന്ന ഉപഭോക്താക്കൾക്ക് വലിയ തലവേദനയാകുകയാണ്. ഒരു ടെലികോം കമ്പനി ഒരു മൊബൈൽ നമ്പറിൻ്റെ സേവനം റദ്ദാക്കിയാലും, പഴയ ഉപയോക്താവിന് അതേ നമ്പർ ഉപയോഗിച്ച് വാട്ട്‌സ്ആപ്പ് പോലുള്ള ആപ്പുകൾ തുടർന്നും ഉപയോഗിക്കാൻ സാധിക്കുന്നതായും റിപ്പോർട്ടുകൾ പുറത്തുവരുന്നുണ്ട്. പുതിയ സിം കാർഡെടുക്കുമ്പോൾ നിങ്ങൾക്കും ഇങ്ങനെയുള്ള പ്രശ്നങ്ങൾ ഉണ്ടായേക്കാം.

നിലവിൽ ഇത്തരത്തിൽ നിരവധി പരാതികളാണ് കേരളത്തിൽ നിന്നുള്ള ഉപ​ഭോക്താക്കളിൽ നിന്ന് പോലും ഉയരുന്നത്. നിലവിലെ സാഹചര്യത്തിൽ സിം കട്ട് ആക്കുമ്പോൾടെലികോം കമ്പനി ഫോൺ സേവനം മാത്രമാണ് റദ്ദാക്കുന്നത്, വാട്ട്‌സ്ആപ്പ്, ടെലിഗ്രാം, ഡേറ്റിംഗ് ആപ്പുകൾ തുടങ്ങിയവയിലെ അക്കൗണ്ടുകൾ റദ്ദാക്കാൻ അവർക്ക് കഴിയില്ല എന്നതാണ് ഈ പ്രശ്നത്തിന് കാരണം. പുതിയ സിം കാർഡ് എടുക്കുമ്പോൾ പഴയ ഉപഭോക്താവിൻ്റെ വാട്ട്‌സ്ആപ്പ് അക്കൗണ്ട് സജീവമായിരിക്കുകയും, പുതിയ ഉപയോക്താവിന് അവരുടെ പേരും ആധാർ കാർഡും ഉപയോഗിച്ച് നമ്പർ രജിസ്റ്റർ ചെയ്തിട്ടുണ്ടെങ്കിലും, ഒറ്റത്തവണ പാസ്‌വേർഡ് (OTP) പഴയ ഉപയോക്താവിന് ലഭിക്കുന്നതുകൊണ്ട് വാട്ട്‌സ്ആപ്പ് ഉപയോഗിക്കാൻ കഴിയാതെ വരികയും ചെയ്യുന്നു.

ഈ പ്രശ്നം ഗുരുതരമായ പ്രത്യാഘാതങ്ങൾ ഉണ്ടാക്കിയേക്കാം. മുൻ ഉപയോക്താവ് ആ നമ്പറുകൾ ഉപയോഗിച്ച് എന്തെങ്കിലും നിയമവിരുദ്ധമായ പ്രവർത്തനങ്ങൾ നടത്തിയാൽ, ആധാർ കാർഡ് ഉപയോഗിച്ച് നമ്പർ രജിസ്റ്റർ ചെയ്ത പുതിയ ഉപയോക്താവായിരിക്കും ഉത്തരവാദി. ബാങ്കിംഗ് പോലുള്ള സെൻസിറ്റീവ് ആപ്പുകൾ നമ്പറുമായി ബന്ധിപ്പിച്ചിട്ടുണ്ടെങ്കിൽ ഇത് വലിയ അപകടസാധ്യതയാണ്.

ഇന്ത്യൻ ക്രിക്കറ്റ് താരം പാട്ടിദാറിൻ്റെ മുൻ സിം കാർഡ് ഒരു പുതിയ ഉപഭോക്താവിന് ലഭിച്ചപ്പോൾ, വിരാട് കോഹ്‌ലി, യഷ് ദയാൽ തുടങ്ങിയ പ്രശസ്തരായ ക്രിക്കറ്റ് താരങ്ങളിൽ നിന്ന് കോളുകൾ ലഭിച്ചത് ഈ പ്രശ്നത്തിന് ഉദാഹരണമായി ചൂണ്ടിക്കാട്ടുന്നു.

ലാഭം മാത്രം ലക്ഷ്യമിട്ട്, എല്ലാ ആപ്പ് കണക്ഷനുകളും ശരിയായി വിച്ഛേദിക്കപ്പെടുന്നുണ്ടെന്ന് ഉറപ്പാക്കാതെ കമ്പനികൾ നമ്പറുകൾ റദ്ദാക്കുകയും വീണ്ടും നൽകുകയും ചെയ്യുന്നതിനെതിരെ വിമർശനം ഉയർന്നിട്ടുണ്ട്. ഒരു നമ്പർ റദ്ദാക്കുമ്പോൾ എല്ലാ സെക്കൻഡറി ആപ്പ് കണക്ഷനുകളും സ്വയമേവ വിച്ഛേദിക്കുന്ന സംവിധാനങ്ങൾ നടപ്പാക്കണമെന്നാണ് വിദ​ഗ്ധർ നിർദേശിക്കുന്നത്.

Are you planning to get a new SIM card after returning home from Canada? Be careful of these things, a major security issue awaits you.