കാനഡയിലെ ആൽബെർട്ട പ്രവിശ്യയിലുള്ള കാൽഗറിയിൽ വെള്ളിയാഴ്ച പുറത്തിറങ്ങാൻ പറ്റിയ കാലാവസ്ഥയായിരിക്കില്ല. തണുപ്പും മഴയും കാറ്റും നിറഞ്ഞ ഒരു ദിവസമായിരിക്കും. എന്നാൽ വാരാന്ത്യം മുതൽ ചൊവ്വാഴ്ച വരെ സ്ഥിരമായ കാലാവസ്ഥയും സാധാരണ താപനിലയും പ്രതീക്ഷിക്കാം. വ്യാഴാഴ്ച മുതൽ കനത്ത മഴയുടെ മുന്നൊരുക്കങ്ങൾ നഗരത്തിൽ കണ്ടുതുടങ്ങിയിരുന്നു. കഴിഞ്ഞ വ്യാഴാഴ്ച ഉച്ചതിരിഞ്ഞ് ഇടിമിന്നലോടുകൂടിയ കനത്ത മഴക്ക് സാധ്യതയുണ്ടെന്ന് മുന്നറിയിപ്പ് നൽകിയിരുന്നു. അതിശക്തമായ കൊടുങ്കാറ്റുള്ള മഴ മേഘങ്ങൾ ഒന്നിച്ച് ചേർന്ന് നഗരത്തിൽ പലയിടങ്ങളിലും മഴയും മിന്നലും ചെറിയ ആലിപ്പഴ വർഷവും വിതറിയിട്ടുണ്ട്.
വ്യാഴാഴ്ച വൈകുന്നേരത്തോടെ മഴയുടെ ശക്തി കുറയാൻ സാധ്യതയുണ്ടെങ്കിലും വെള്ളിയാഴ്ച അതിരാവിലെ വടക്ക് ദിശയിൽ നിന്ന് മറ്റൊരു ശക്തമായ മഴയെത്തും.
വെള്ളിയാഴ്ച രാവിലെ ഏഴുമണിക്കും ഉച്ചയ്ക്ക് 12 മണിക്കും ഇടയിലാണ് മഴ അതിശക്തമാകാൻ സാധ്യത. ഉച്ചകഴിഞ്ഞാൽ ഇടിമിന്നലിനും ശക്തമായ വടക്കൻ കാറ്റിനും സാധ്യതയുണ്ട്. ഈ മഴക്കാറുള്ള കാലാവസ്ഥ താപനില കുറയ്ക്കും. ഉയർന്ന താപനില 17 ഡിഗ്രി സെൽഷ്യസ് മാത്രമായിരിക്കും.
വെള്ളിയാഴ്ച ദിവസത്തെ കാലാവസ്ഥ പുറത്തിറങ്ങാൻ അത്ര നല്ലതല്ലെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകുന്നത്. എന്നാൽ വെള്ളിയാഴ്ച രാത്രിയോടെ ഉയർന്ന മർദ്ദമുള്ള ഒരു കാലാവസ്ഥാ സിസ്റ്റം കാൽഗറിയിലേക്ക് എത്തും. ഇതോടെ നഗരത്തിലെ കാലാവസ്ഥ മെച്ചപ്പെടും. വാരാന്ത്യം മുതൽ ചൊവ്വാഴ്ച വരെ മികച്ച കാലാവസ്ഥയും സാധാരണ താപനിലയും പ്രതീക്ഷിക്കാം
