നോവ സ്കോഷ്യയിലെ നിക്റ്റോയിൽ നിന്ന് കാണാതായ യുവതിയെ മരിച്ച നിലയിൽ കണ്ടെത്തി. 32കാരിയായ കെർസ്റ്റിൻ മേരി വെറ്ററിനെയാണ് മരിച്ച നിലയിൽ കണ്ടെത്തിയത്. തിങ്കളാഴ്ച രാവിലെ ഏകദേശം 7:25 ഓടെയാണ് മൃതദേഹം കണ്ടെത്തിയത്. ഗ്രൗണ്ട് സെർച്ച് ആൻഡ് റെസ്ക്യൂ വളണ്ടിയർമാർ യുവതിയെ അവസാനമായി കണ്ട സ്ഥലത്തിനടുത്തുള്ള വനപ്രദേശത്ത് നിന്നാണ് മൃതദേഹം കണ്ടെത്തിയതെന്ന് ആർസിഎംപി പത്രക്കുറിപ്പിൽ അറിയിച്ചു.
വെള്ളിയാഴ്ച ഉച്ചയ്ക്ക് 1:25-നാണ് വെറ്ററിനെ അവസാനമായി കണ്ടതെന്ന് പോലീസ് അറിയിച്ചിരുന്നു. തുടർന്ന് ശനിയാഴ്ച ആർസിഎംപി ഒരു മിസ്സിംഗ് പേഴ്സൺ അലേർട്ട് പുറത്തിറക്കിയിരുന്നു. മൃതദേഹം ലഭിച്ച സ്ഥലത്ത് നിന്ന് പൊലീസ് തെളിവുകൾ ശേഖരിക്കുകയാണ്. മരണകാരണം കണ്ടെത്താൻ നോവ സ്കോഷ്യ മെഡിക്കൽ എക്സാമിനർ സർവീസും പോലീസിനെ സഹായിക്കുന്നുണ്ട്.
ADVERTISEMENT
Missing Nova Scotia Woman Found Dead
