കാനഡയിലെ സിക്സിക നേഷനിൽ വാഹനാപകടത്തിൽ രണ്ട് പേർ മരിക്കുകയും ഒരാൾക്ക് ഗുരുതരമായി പരിക്കേൽക്കുകയും ചെയ്തു. കഴിഞ്ഞ ദിവസം രാത്രി 9:30 ഓടെ അഞ്ച് പേർ നടന്നുപോകുമ്പോൾ ഒരു വാഹനം ഇവരെ ഇടിച്ച് നിർത്താതെ പോകുകയായിരുന്നു. മരിച്ചവരിൽ 27 വയസ്സുള്ള ഒരു യുവാവും 45 വയസ്സുള്ള ഒരാളും ഉൾപ്പെടുന്നു. 45 വയസ്സുള്ള ഒരു സ്ത്രീയെ ഗുരുതരമായ പരിക്കുകളോടെ ആശുപത്രിയിൽ പ്രവേശിപ്പിച്ചു. അപകടത്തിൽ മറ്റ് രണ്ട് പേർക്ക് പരിക്കുകളൊന്നും സംഭവിച്ചില്ലെന്ന് റോയൽ കനേഡിയൻ മൗണ്ടഡ് പോലീസ് (ആർസിഎംപി) അറിയിച്ചു.
അപകടമുണ്ടാക്കിയ വാഹനം സംഭവസ്ഥലത്ത് നിന്ന് വേഗത്തിൽ കടന്നുകളഞ്ഞു. നിലവിൽ വാഹനം കണ്ടെത്താനുള്ള ശ്രമങ്ങൾ നടന്നുവരികയാണ്. ഈ സംഭവത്തെക്കുറിച്ച് എന്തെങ്കിലും വിവരങ്ങളോ സിസിടിവി ദൃശ്യങ്ങളോ ലഭ്യമുള്ളവർ പോലീസുമായി ബന്ധപ്പെടണമെന്ന് ആർസിഎംപി പറഞ്ഞു. 54 മാപ്പ് 3 സബ്ഡിവിഷൻ പരിസരത്ത് രാത്രി 8 മണിക്കും 10 മണിക്കും ഇടയിലുള്ള ദൃശ്യങ്ങളാണ് പോലീസ് പ്രധാനമായും ആവശ്യപ്പെടുന്നത്.
അപകടത്തെക്കുറിച്ച് എന്തെങ്കിലും വിവരം ലഭിക്കുന്നവർ ഗ്ലീച്ചൻ ആർസിഎംപിയുടെ 403-734-3923 എന്ന നമ്പറിൽ ബന്ധപ്പെടുക. വിവരങ്ങൾ രഹസ്യമായി സൂക്ഷിക്കാൻ ആഗ്രഹിക്കുന്നവർക്ക് ക്രൈം സ്റ്റോപ്പേഴ്സ് വഴിയും വിവരം കൈമാറാവുന്നതാണ്. ഈ സംഭവത്തിൽ പോലീസ് അന്വേഷണം തുടരുകയാണ്.
Vehicle accident in Siksika Nation; Pedestrians hit and run over, two people die tragically, police searching for suspect
