വരൾച്ചാ ദുരിതം നേരിടുന്ന മാനിറ്റോബയിലെ കന്നുകാലി കർഷകർക്കായി കനേഡിയൻ, മാനിറ്റോബ സർക്കാരുകൾ പുതിയ പദ്ധതി പ്രഖ്യാപിച്ചു.ഫെഡറൽ അഗ്രികൾച്ചർ ആൻഡ് അഗ്രി-ഫുഡ് ഹെൽത്ത് മിനിസ്റ്റർ ഹീത്ത് മാക്ഡൊണാൾഡും, മാനിറ്റോബ അഗ്രികൾച്ചർ മിനിസ്റ്റർ റോൺ കോസ്റ്റിഷിനും ചേർന്നാണ് പ്രഖ്യാപനം നടത്തിയത്. കന്നുകാലികൾക്ക് അധിക തീറ്റ വാങ്ങാൻ ബുദ്ധിമുട്ടുന്ന കർഷകർക്ക് സാമ്പത്തിക സഹായം ഉറപ്പാക്കുകയാണ് പദ്ധതിയുടെ ലക്ഷ്യം.
അഗ്രിഇൻഷുറൻസ് എന്നത് ഫെഡറൽ സർക്കാർ, പ്രൊവിൻഷ്യൽ സർക്കാർ, കർഷകർ എന്നിവർ പങ്കിടുന്ന ഒരു പദ്ധതിയാണ്. സസ്റ്റൈനബിൾ കനേഡിയൻ അഗ്രികൾച്ചറൽ പാർട്ണർഷിപ്പ് പദ്ധതിയുടെ കീഴിൽ കാനഡ, മാനിറ്റോബ സർക്കാരുകളാണ് ഈ പദ്ധതിക്ക് പിന്തുണ നൽകുന്നത്. ഈ നടപടികൾ വരൾച്ച നേരിടുന്ന മാനിറ്റോബയിലെ കന്നുകാലി കർഷകർക്ക് വലിയ ആശ്വാസം നൽകുമെന്നാണ് പ്രതീക്ഷിക്കുന്നത്.
ഈ സഹായങ്ങൾ മാനിറ്റോബ അഗ്രികൾച്ചറൽ സർവീസസ് കോർപ്പറേഷൻ (MASC) അവരുടെ അഗ്രിഇൻഷുറൻസ് പദ്ധതി വഴി ലഭ്യമാക്കും. MASC-യുടെ സഹായപ്രകാരം, വരൾച്ച ബാധിച്ച ഗോതമ്പ്, ഓട്സ്, ബാർലി, റൈ, ട്രിറ്റിക്കേൽ, ധാന്യച്ചോളം തുടങ്ങിയ ധാന്യവിളകൾ കന്നുകാലി തീറ്റയായി ഉപയോഗിക്കുന്ന കർഷകർക്ക് കൂടുതൽ ക്ലെയിം ലഭിക്കും. ഇതിനായി, ക്ലെയിം കണക്കാക്കുമ്പോൾ വിളവ് വിലയിരുത്തലിൽ 40% കുറവ് വരുത്തും. 2021-ൽ ഈ നയം ഒരു ലക്ഷത്തിലധികം ഏക്കർ ധാന്യവിളകളെ കന്നുകാലി തീറ്റയാക്കി മാറ്റാൻ സഹായിച്ചിട്ടുണ്ട്.
തീറ്റപ്പുല്ല്, മേച്ചിൽ ഇൻഷുറൻസുകളിലും എന്നിവയിലും മാറ്റങ്ങൾ വരുത്തിയിട്ടുണ്ട്. 2025 ഒക്ടോബർ ഒന്നിന് മുമ്പുള്ള തീറ്റപ്പുൽ ഇൻഷുറൻസ് ക്ലെയിമുകളുടെ പ്രീമിയം കിഴിവുകൾ താൽക്കാലികമായി മാറ്റിവെക്കും.MASC വായ്പയെടുത്ത കർഷകർക്ക് വായ്പ തിരിച്ചടവ് മാറ്റിവെക്കാനുള്ള അവസരം നൽകുമെന്നും, ആവശ്യമെങ്കിൽ തീറ്റ വാങ്ങുന്നതിന് ധനസഹായം കണ്ടെത്താനുള്ള മാർഗ്ഗനിർദ്ദേശങ്ങൾ നൽകുമെന്നും അധികൃതർ അറിയിച്ചു.
Drought disaster: Government offers new assistance to diary farmers in Manitoba
