അംഗീകൃത അമേരിക്കൻ ബോർഡുകളിൽ നിന്നുള്ള സർട്ടിഫിക്കേഷനുകളുള്ള യു.എസ്. പരിശീലനം ലഭിച്ച ഡോക്ടർമാർക്ക് സുവർണാവസരം. ഇത്തരക്കാർക്ക് 2025 ജൂലൈ 7 മുതൽ ബ്രിട്ടീഷ് കൊളംബിയയിൽ ഫാസ്റ്റ് ട്രാക്ക് ലൈസൻസിങ്ങിന് അർഹതയുണ്ടാകുമെന്ന് ബി.സി. ആരോഗ്യ മന്ത്രാലയം പ്രഖ്യാപിച്ചു. ആൽബെർട്ട, ഒന്റാറിയോ, നോവ സ്കോട്ടിയ, ന്യൂ ബ്രൺസ്വിക്ക് എന്നിവിടങ്ങളിലും സമാനമായ മാറ്റങ്ങളുണ്ടാകും.
ബി.സി. കോളേജ് ഓഫ് നഴ്സസ് ആൻഡ് മിഡ്വൈവ്സ് (ബി.സി.സി.എൻ.എം) വഴി രജിസ്റ്റർ ചെയ്ത യുഎസ് നഴ്സുമാർക്ക് ത്വരിതപ്പെടുത്തിയ രജിസ്ട്രേഷൻ പ്രക്രിയയും പ്രതീക്ഷിക്കാം. അപേക്ഷ പൂർത്തിയായാൽ ദിവസങ്ങൾക്കുള്ളിൽ ലൈസൻസ് ലഭിക്കാൻ സാധ്യതയുണ്ട്. ബി.സി.യിലേക്ക് കുടിയേറാൻ യു.എസ്. ഡോക്ടർമാരിൽ നിന്ന് താൽപ്പര്യം വർദ്ധിച്ചിട്ടുണ്ടെങ്കിലും, ഇമിഗ്രേഷൻ നടപടികൾ, വർക്ക് പെർമിറ്റുകൾ എന്നിവയ്ക്ക് ഇപ്പോഴും 6 മാസം മുതൽ ഒരു വർഷം വരെ എടുക്കുമെന്ന് റിക്രൂട്ടർമാർ പറയുന്നു.
📢 കാനഡയിലെ ഏറ്റവും പുതിയ വാർത്തകൾക്കായി
https://chat.whatsapp.com/JNSnrvnSqw1DUJljLTLp82
കൂടുതൽ ഇമ്മിഗ്രേഷൻ വാർത്തകൾക്കായി ജോയിൻ ചെയ്യൂ: https://chat.whatsapp.com/IQy1WyqlXydGQwomhx0Gmf
