നോവ സ്കോഷ്യയിലെ ബെഡ്ഫോർഡിൽ വാഹനമിടിച്ച് മൂന്ന് വയസ്സുകാരന് ദാരൂണാന്ത്യം. റോഡ് മുറിച്ചുകടക്കുമ്പോളാണ് കുട്ടിയെ വാഹനം ഇടിച്ചത്. ഗുരുതരമായി പരിക്കേറ്റ കുട്ടിയെ ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വെള്ളിയാഴ്ച വൈകീട്ട് 7:50 ഓടെയാണ് ഹാലിഫാക്സ് റീജിയണൽ പോലീസ് ബ്രൗൺസ്റ്റോൺ വേയിൽ നടന്ന വാഹന അപകട സ്ഥലത്ത് എത്തിയത്.
കുട്ടിയുടെ കുടുംബത്തിന്റെ ദുഃഖത്തിൽ പങ്കുചേരുന്നുവെന്ന് “ഹാലിഫാക്സ് റീജിയണൽ പോലീസ് വെള്ളിയാഴ്ച പുറത്തിറക്കിയ വാർത്താക്കുറിപ്പിൽ പറഞ്ഞു. അപകടസ്ഥലത്ത് ഉണ്ടായിരുന്ന സാക്ഷികളായ ആളുകൾക്ക് പോലീസ് നന്ദി പറഞ്ഞു. ഈ വിഷയത്തിൽ അന്വേഷണം നടന്നുവരികയാണെന്നും നിലവിൽ ആർക്കെതിരെയും കുറ്റം ചുമത്തിയിട്ടില്ലെന്നും പോലീസ് കൂട്ടിച്ചേർത്തു.
മരണപ്പെട്ട കുട്ടിയുടെ കുടുംബത്തിന് അഗാധമായ അനുശോചനം രേഖപ്പെടുത്തുന്നതിനൊപ്പം, അപകടത്തിന്റെ പൂർണ്ണ വിവരങ്ങൾ കണ്ടെത്താൻ പോലീസ് ശ്രമിച്ചുവരികയാണ്. ഇത്തരം അപകടങ്ങൾ ഒഴിവാക്കാൻ റോഡുകളിൽ കൂടുതൽ ജാഗ്രത പാലിക്കണമെന്ന് അധികൃതർ ഓർമ്മിപ്പിച്ചു.
