സൗത്ത് വെസ്റ്റ് ബറോയിൽ തീപിടുത്തത്തെ തുടർന്ന് കെട്ടിടത്തിന്റെ സീലിങ്ങ് തകർന്നു വീണു. മൂന്ന് നില റെസിഡൻഷ്യൽ കെട്ടിടത്തിലാണ് അപകടമുണ്ടായത്. നോട്രെ-ഡാം സ്ട്രീറ്റ് ഡബ്ല്യു., റോസ്-ഡി-ലിമ സ്ട്രീറ്റ് എന്നിവയുടെ ജംഗ്ഷനിൽ ഉച്ചയ്ക്ക് 2:54 ഓടെയാണ് അപകടം. 150 ലധികം അഗ്നിശമന സേനാംഗങ്ങളും 40 ട്രക്കുകളും ഉടൻ തന്നെ അപകടസ്ഥലത്തേക്ക് തിരിച്ചു. 26 യൂണിറ്റുകളുള്ള കെട്ടിടത്തിന്റെ മൂന്നാം നിലയിലെ ബാൽക്കണിയിലാണ് തീപിടിത്തം ആരംഭിച്ചതെന്ന് മോൺട്രിയൽ അഗ്നിശമന വകുപ്പ് പറഞ്ഞു. ഞായറാഴ്ച പുലർച്ചെ ഒരു മണിയോടെയാണ് അഗ്നിശമന സേനാംഗങ്ങൾ തീ അണച്ചത്.
നിലവിൽ ആർക്കും പരിക്കുകളൊന്നും റിപ്പോർട്ട് ചെയ്തിട്ടില്ല.”കെട്ടിടത്തിലെ എല്ലാവരെയും ഒഴിപ്പിച്ചു. പലരെയും റെഡ് ക്രോസ് ഏറ്റെടുത്തു. മൂന്നോ നാലോ കുടുംബങ്ങൾക്ക് സ്വന്തമായി താമസ സൗകര്യം ഒരുക്കാൻ കഴിഞ്ഞു,” മോൺട്രിയൽ അഗ്നിശമന വകുപ്പ് വക്താവ് അനിക് വൈലൻകോർട്ട് പറഞ്ഞു. തീപിടിത്തത്തിന്റെ കാരണം ഇതുവരെ സ്ഥിരീകരിച്ചിട്ടില്ലെന്നും അവർ പറഞ്ഞു.
