തടസ്സങ്ങൾ നേരിട്ടു കൊണ്ടിരിക്കുന്ന ആൽബർട്ട പ്രീമിയർ ഡാനിയേൽ സ്മിത്തിന്റെ എണ്ണ പൈപ്പ് ലൈൻ പദ്ധതിക്ക് തടസ്സമാകുന്നത് താൻ അല്ലെന്നാണ് ബ്രിട്ടീഷ് കൊളംബിയ പ്രീമിയർ ഡേവിഡ് എബി ഇപ്പോൾ വ്യക്തമാക്കിയിരിക്കുന്നത്.
ഇതിന് കാരണമാകുന്നത് പദ്ധതിക്ക് പിന്തുണ നൽകാൻ ഇപ്പോൾ ഒരു സ്ഥാപനവും ധനസഹായവും ലഭ്യമല്ല എന്നതാണ്. നിലവിൽ യാതൊരു പദ്ധതിയും നിലവിലില്ലെന്നുമാണ് എബി പറഞ്ഞത്.
ആൽബർട്ടയിൽ നിന്ന് ബ്രിട്ടീഷ് കൊളംബിയയുടെ വടക്കൻ തീരത്തേക്കുള്ള ഈ എണ്ണ പൈപ്പ് ലൈൻ നിർമ്മാണത്തിന് താൻ അനുമതി നൽകുമെന്ന് സ്മിത്ത് ഞായറാഴ്ച പറയുകയുണ്ടായി.
ഏഷ്യയിലെ പത്തു ദിവസത്തെ വ്യാപാര പര്യടനത്തിന്റെ അവസാന ഘട്ടമായ ദക്ഷിണ കൊറിയയിലെ സിയോളിൽ നിന്ന് സംസാരിക്കുകയായിരുന്നു എബി. ജപ്പാനും മലേഷ്യയും ഉൾപ്പെടുന്ന ഈ പര്യടനത്തിനിടെ നടത്തിയ വാർത്താ സമ്മേളനത്തിലാണ് ഈ വിഷയത്തിൽ വ്യക്തത വരുത്തിയത്.
“ആൽബർട്ട പ്രീമിയർ ഒരു പിന്തുണക്കാരനെയും ധനസഹായവും കണ്ടെത്തി പദ്ധതി വിജയകരമായി ഒരുക്കുകയാണെകിൽ ബ്രിട്ടീഷ് കൊളംബിയക്ക് ആ പാലം തീർച്ചയായും കടക്കാനാകും” എന്നാണ് എബി വ്യക്തമാക്കിയത്.
പശ്ചിമ കാനഡയിൽ സമൃദ്ധി സൃഷ്ടിക്കുന്നതിനായി ആൽബർട്ടയുമായി സഹകരിച്ച് പ്രവർത്തിക്കാവുന്ന എണ്ണമറ്റ പദ്ധതികൾ ഇതിനകം തന്നെ ബ്രിട്ടീഷ് കൊളംബിയയ്ക്ക് ഉണ്ടെന്നും എബി അഭിപ്രായപ്പെട്ടു.
കഴിഞ്ഞ ആഴ്ച പ്രിൻസ് റൂപെർട്ട് ഗ്യാസ് പൈപ്പ് ലൈനിന് ബ്രിട്ടീഷ് കൊളംബിയ നൽകിയ അനുമതിയെക്കുറിച്ച് ചോദിച്ചപ്പോൾ, “ബി.സി നിക്ഷേപങ്ങൾ നിരസിക്കുന്ന ഒരു വ്യവസായത്തിലല്ല.” എങ്കിലും, അൽബെർട്ടയിൽ നിന്നുള്ള എണ്ണ പൈപ്പ് ലൈൻ പദ്ധതികളെയും ഇത് ബാധിക്കുമോ എന്ന ചോദ്യത്തിന് അദ്ദേഹം വ്യക്തമായ മറുപടി നൽകാൻ തയ്യാറായില്ല.
ഇത് കൂടാതെ സ്മിത്ത് ഇത്തരമൊരു പദ്ധതിയിൽ “ആശ്വസ്തത” കാണിക്കുന്നുണ്ടെന്നും അതു പോലെ തന്നെ ഒന്റാരിയോ പ്രീമിയർ ഡഗ് ഫോർഡ് “401 റോഡിന് താഴെയുള്ള തുരങ്കത്തിൽ” ആശ്വസ്തത കാണിക്കുന്നുണ്ടെന്നും എബി കൂട്ടിച്ചേർത്തു. ഇത് രണ്ട് പ്രീമിയർമാരുടെയും സ്വപ്ന പദ്ധതികളുടെ പ്രായോഗിക പ്രശ്നങ്ങളെ സൂചിപ്പിക്കുന്ന താരതമ്യമായിട്ടാണ് കാണേണ്ടത്.
