ഇംഗർസോളിൽ ട്രെയിനിടിച്ച് കാൽനടയാത്രക്കാരന് ദാരുണാന്ത്യം

ഇംഗർസോളിൽ ട്രെയിനിടിച്ച് കാൽനടയാത്രക്കാരന് ദാരുണാന്ത്യം. തിങ്കളാഴ്ച പുലർച്ചെ 5:10 ഓടെ ഇംഗർസോളിലെ മ്യൂച്വൽ സ്ട്രീറ്റ് നോർത്തിലാണ് അപകടം. അപകടം നടന്ന ഉടനെ റെയിൽ വേ ഉദ്യോഗസ്ഥരും പൊലീസും സ്ഥലത്തെത്തി സ്ഥിതി​ഗതികൾ വിലയിരുത്തി. അപകടവുമായി ബന്ധപ്പെട്ടും മരിച്ചയാളുമായി ബന്ധപ്പെട്ടും കൂടുതൽ വിവരങ്ങൾ പുറത്തുവന്നിട്ടില്ല. അപകടത്തിന് ദൃക്സാക്ഷിയായ ആരെങ്കിലുമുണ്ടെങ്കിൽ ഓക്സ്ഫോർഡ് ഒപിപിയെ 1-888-310-1122 എന്ന നമ്പറിലോ ക്രൈം സ്റ്റോപ്പേഴ്സിനെ 1-800-222-8477 എന്ന നമ്പറിലോ ബന്ധപ്പെടണമെന്ന് അധികൃതർ അഭ്യർത്ഥിച്ചു.