വേനൽക്കാല ബാർബിക്യൂ സീസണിന്റെ തുടക്കത്തിൽ തന്നെ കാനഡയിൽ മാംസവിലയുടെ കുതിപ്പ് ഉപഭോക്താക്കളെ മാത്രമല്ല, സമ്പദ്വ്യവസ്ഥയെയും ബാധിക്കാൻ തുടങ്ങുന്നു. പ്രത്യേകിച്ച് ബീഫിന്റെ വില ഉയരുന്നത്, ഇത് ഒരു ഭക്ഷ്യമല്ല, സാമ്പത്തിക തീരുമാനമാകുന്നു എന്ന തലത്തിലേക്ക് കാര്യങ്ങൾ നീങ്ങുന്നതായി ഡൽഹൗസി സർവകലാശാലയിലെ അഗ്രി-ഫുഡ് അനലിറ്റിക്സ് ലാബ് ഡയറക്ടർ സിൽവെയ്ൻ ചാർലെബോയിസ് വ്യക്തമാക്കി.
മാംസ വില ഉയർന്നതിന്റെ പശ്ചാത്തലത്തിൽ, മാംസരഹിത ഉൽപ്പന്നങ്ങളുടെ വിലയിൽ വൻ വർധനവാണ് രേഖപ്പെടുത്തിയിരിക്കുന്നത്. ഏറ്റവും പുതിയ കണക്കുകൾ പ്രകാരം, പ്ലാന്റ് ബേസ്ഡ് പാറ്റികൾക്ക് 6.8 ശതമാനം വില വർധനയുണ്ടായി. വിലക്കയറ്റത്തിന് പിന്നിലെ പ്രധാന കാരണങ്ങൾ കാനഡയുടെ ഭൗമശാസ്ത്രം, ഉയർന്ന ഗതാഗത ചെലവുകൾ, ഫെഡറൽ ലൈസൻസുള്ള ഉൽപാദകരുടെ കുറവ്, കാർബൺ നയങ്ങൾ, തൊഴിൽ ചെലവുകൾ എന്നിവയാണെന്നും, വ്യവസായത്തിന്റെ ഭാവിയെ കുറിച്ച് ഗുരുതരമായ ചിന്ത വേണമെന്നും ചാർലെബോയിസ് മുന്നറിയിക്കുന്നു. അമേരിക്കയിലും സമാനമായ സ്ഥിതിയാണ്. പക്ഷേ അത്ര ഗുരുതരമല്ല.
ബീഫ് വ്യവസായം ഗ്രാമീണ കാനഡയിലെ ഉപജീവനത്തിനും മേഖലയുടെയും അടിസ്ഥാന സഹായമായി നിലനിൽക്കുന്നു. കാനഡയുടെ സമ്പദ്വ്യവസ്ഥയുടെ ചില മേഖലകളിൽ ഇത് ദീർഘകാല പ്രത്യാഘാതങ്ങൾ സൃഷ്ടിക്കാൻ സാധ്യതയുണ്ടെന്നും, ഉൽപാദകരും ഉപഭോക്താക്കളും തമ്മിലുള്ള അകലവും വിലക്കയറ്റവും അതിൽ പങ്ക് വഹിക്കുമെന്നും സാമ്പത്തിക വിദഗ്ധർ സൂചിപ്പിക്കുന്നു.
