ബാങ്ക് സ്ട്രീറ്റിൽ വാഹനങ്ങൾ കൂട്ടിയിടിച്ച് സൈക്കിൾ യാത്രികന് ദാരുണാന്ത്യം

ഒട്ടാവ ന​ഗരത്തിൽ വാഹനാപകടത്തിൽ പരിക്കേറ്റ് ചികിത്സയിലായിരുന്നു സൈക്കിൾ യാത്രികൻ മരിച്ചു. ബുധനാഴ്ച ഉച്ചയ്ക്ക് 2:40 ഓടെ ബാങ്ക് സ്ട്രീറ്റിന്റെയും ഡാസെ സ്ട്രീറ്റിന്റെയും ഇടയിലാണ് അപകടമുണ്ടായത്. ഒരു സൈക്കിൾ യാത്രികൻ ഉൾപ്പെട്ട വാഹനങ്ങൾ കൂട്ടിയിടിക്കുകയായിരുന്നു. 80 കാരനായ സൈക്കിൾ യാത്രകനെ ഉടൻ തന്നെ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. ഞായറാഴ്ച രാവിലെയാണ് ഇദ്ദേഹത്തിന്റെ മരണം സ്ഥിരീകരിച്ചത്. കൂട്ടിയിടിയിൽ എത്ര വാഹനങ്ങൾ ഉൾപ്പെട്ടിട്ടുണ്ടെന്ന് പോലീസ് വ്യക്തമാക്കിയിട്ടില്ല. അപകടത്തിന് സാക്ഷിയായവരോ ഡാഷ്‌ക്യാം ദൃശ്യങ്ങൾ കൈവശമുള്ളവരോ ഉണ്ടെങ്കിൽ അന്വേഷണ യൂണിറ്റിനെ 613-236-1222, എക്സ്റ്റൻഷൻ 2345 എന്ന നമ്പറിൽ ബന്ധപ്പെടണമെന്ന് പോലീസ് ആവശ്യപ്പെട്ടു.