പ്രധാനമന്ത്രി മാർക്ക് കാർണിയുടെ പുതുതായി രൂപീകരിച്ച മന്ത്രിസഭയിൽ നോവസ്കോഷ്യയിൽ നിന്നുള്ള MPമാർ ഉന്നത മന്ത്രിസ്ഥാനങ്ങളിലേക്ക് നിയമിതരായി. 2025 മെയ് 13-ന് റിഡോ ഹാളിൽ നടന്ന സത്യപ്രതിജ്ഞാ ചടങ്ങിൽ ആകെ 28 മന്ത്രിമാർ സത്യപ്രതിജ്ഞ ചെയ്തു. ഹാലിഫാക്സ് വെസ്റ്റിനെ പ്രതിനിധീകരിക്കുന്ന ലീന മെറ്റ്ലേജ് ദിയാബ് കുടിയേറ്റ, അഭയാർത്ഥി, പൗരത്വ മന്ത്രിയായി നിയമിതയായി.
സെൻട്രൽ നോവയിലെ MPയായ സീൻ ഫ്രേസർ നീതിന്യായ മന്ത്രിയും അറ്റോർണി ജനറലുമായി ചുമതലയേറ്റു. മുൻ പ്രധാനമന്ത്രി ജസ്റ്റിൻ ട്രൂഡോയുടെ കീഴിൽ കാബിനറ്റിൽ സേവനമനുഷ്ഠിച്ചിട്ടുള്ള ഫ്രേസർ അറ്റ്ലാന്റിക് കാനഡ ഒപ്പർച്ചുണിറ്റീസ് ഏജൻസിയുടെയും ചുമതല വഹിക്കും.”ഈ പുതിയ ഉത്തരവാദിത്തം ഏറ്റെടുക്കുന്നതിൽ ഞാൻ അതീവ ആവേശഭരിതനാണ്. അറ്റ്ലാന്റിക് കാനഡയിലെ ജനങ്ങളുടെ താൽപര്യങ്ങൾ സംരക്ഷിക്കുന്നതിനൊപ്പം രാജ്യത്തുടനീളമുള്ള എല്ലാ കാനഡക്കാർക്കും വേണ്ടി പ്രവർത്തിക്കാൻ ഞാൻ പ്രതിജ്ഞാബദ്ധനാണ്,” എന്ന് സീൻ ഫ്രേസർ പറഞ്ഞു.
മന്ത്രിസഭ പുനഃസംഘടനയിൽ അറ്റ്ലാന്റിക് കാനഡയുടെ പ്രാതിനിധ്യത്തിൽ കൂടുതൽ മാറ്റങ്ങൾ വന്നിട്ടുണ്ട്. പ്രിൻസ് എഡ്വേഡ് ഐലൻഡിലെ ഹീത്ത് മാക്ഡൊണാൾഡ് കൃഷി, ഗ്രാമീണ സാമ്പത്തിക വികസന മന്ത്രിയായി കോഡി ബ്ലോയിസിന് പകരം നിയമിതനായി. ന്യൂഫൗണ്ട്ലാൻഡ് ആൻഡ് ലാബ്രഡോറിലെ ജോആൻ തോംപ്സൺ മത്സ്യബന്ധന, സമുദ്ര മന്ത്രിയായി തുടരും.
