തൊഴിൽ വാഗദാനം ചെയ്ത് തട്ടിപ്പ് നടത്തുന്നതിന്റെ രേഖകൾ പുറത്തുവിട്ട് ഇമിഗ്രേഷൻ കൺസൾട്ടന്റ് നീറ അഗ്നിഹോത്രി. ബ്രിട്ടീഷ് കൊളംബിയയിലെ സറി നഗരത്തിൽ പ്രവർത്തിക്കുന്ന അവരുടെ സ്ഥാപനത്തിന്റെ പേര് ഉപയോഗിച്ച് നിർമ്മിച്ച വ്യാജ തൊഴിൽ രേഖകൾ പുറത്തുവിട്ടത്. വിദേശ തൊഴിലാളികൾക്കായി തയ്യാറാക്കിയതായി കാണിക്കുന്ന Labour Market Impact Assessment (LMIA) രേഖകളാണ് വ്യാജമായി ഒരുക്കിയത്.
“ഇത് ഞങ്ങളുടെ ക്ലയന്റല്ല, ഈ രേഖകളിൽ വ്യക്തമായ തട്ടിപ്പിന്റെ അടയാളങ്ങളുണ്ട്,” എന്ന് നീറ അഗ്നിഹോത്രി വ്യക്തമാക്കി. ഫോണ്ടിലുണ്ടായ ചെറിയ വ്യത്യാസങ്ങളും സ്ഥാപനത്തിന്റെ പേരിൽ കാണപ്പെട്ട ഒരക്ഷര പിഴവുമാണ് രേഖകൾ വ്യാജമാണെന്നതിന് തെളിവായത്. ഈ LMIA രേഖകൾ ഉപയോഗിച്ച് പ്രവാസികൾക്ക് കാനഡയിൽ ജോലി ഉറപ്പാക്കാം, സ്ഥിരതാമസത്തിന് വഴിയൊരുക്കുമെന്ന് വിശ്വസിപ്പിച്ച് ചിലർ $45,000 വരെ തുക തട്ടിയെടുത്തിട്ടുണ്ട് . പ്രവർത്തനപരമായി ഈ രേഖകൾ സർക്കാർ ഏജൻസിയായ Employment and Social Development Canada (ESDC) നൽകേണ്ടതാണ്.
കാസൻഡ്ര ഫൾട്സ് എന്ന ഒന്റാറിയോ ആസ്ഥാനമായ ഇമിഗ്രേഷൻ കൺസൾട്ടന്റ് ചൂണ്ടിക്കാട്ടുന്നതുപോലെ, “തൊഴിലവസരത്തിന് വേണ്ടി പണമിടപാട് ആവശ്യപ്പെടുന്നത് തന്നെ തട്ടിപ്പിന്റെ സൂചനയായി കാണണം. ഇത്തരത്തിൽ പ്രതീക്ഷയോടെ സമീപിക്കുന്നവരാണ് കൂടുതലും വഞ്ചിതരാകുന്നത്.”
ഇത് പോലുള്ള തട്ടിപ്പുകൾ തടയാൻ ഒറ്റക്കെട്ടായി നടപടി വേണമെന്നും, കൃത്യമായ അന്വേഷണങ്ങൾ നടത്തണമെന്നും കൺസൾട്ടന്റ്സ് ഓട്ടവയോട് ആവശ്യപ്പെടുന്നു.
