ന്യൂ ബ്രൺസ്വിക്കിലെ 85 വയസ്സുള്ള ഓസി ഗിൽഡാർട്ടിന് അവിശ്വസനീയമായ ഒരു ഞെട്ടൽ കാത്തിരിക്കുകയായിരുന്നു – 1960-ൽ ടൊറന്റോയിൽ ഉണ്ടായ ഒരു അപകടത്തിന്റെ പേരിൽ അദ്ദേഹത്തിന്റെ ഡ്രൈവിംഗ് ലൈസൻസ് സസ്പെൻഡ് ചെയ്തു! ഗിൽഡാർട്ടിന് ഓർമ്മയില്ലാത്ത ഒരു സംഭവത്തിനാണ് 65 വർഷങ്ങൾക്ക് ശേഷം ഈ നടപടി.
ഓൺടാരിയോ മോട്ടോർ വെഹിക്കിൾ ആക്സിഡന്റ് ക്ലെയിംസ് ഫണ്ട് $4,661.91 നഷ്ടപരിഹാരമായി ആവശ്യപ്പെടുന്നു. ദശാബ്ദങ്ങളായി ഓൺടാരിയോയിലും ന്യൂ ബ്രൺസ്വിക്കിലും സാധുവായ ഇൻഷുറൻസും ലൈസൻസും കൈവശം ഉണ്ടായിട്ടും ഈ അന്യായമായ ആവശ്യം നേരിടേണ്ടിവരുന്നു. ക്രിസ്മസിന് മുമ്പുണ്ടായ ഒരു ചെറിയ അപകടത്തിനു ശേഷം ഡ്രൈവിംഗ് ടെസ്റ്റിന് എത്തിയപ്പോഴാണ് ഈ പിഴ പുറത്തുവന്നത്.
ഇത്ര പഴക്കമുള്ള കേസ് നടപ്പിലാക്കാൻ തങ്ങൾക്ക് ബാധ്യതയില്ലെന്ന് തീരുമാനിച്ച ന്യൂ ബ്രൺസ്വിക്ക് അദ്ദേഹത്തിന്റെ ലൈസൻസ് പുനഃസ്ഥാപിച്ചു. എന്നാൽ ഓൺടാരിയോ സർക്കാർ ഇപ്പോഴും തുക അടയ്ക്കണമെന്ന് നിർബന്ധിക്കുന്നു. ഇപ്പോൾ പ്രതിമാസം $200 അടയ്ക്കേണ്ട അവസ്ഥയിലാണ് ഗിൽഡാർട്ട്. ഈ അന്യായമായ ചാർജ് ചോദ്യം ചെയ്യാൻ നിയമനടപടി പരിഗണിക്കുന്നുണ്ട്
