ഹാലിഫാക്സിൽ ആറു വയസ്സുകാരന് കുത്തേറ്റു

പ്രതി അറസ്റ്റിൽ; കുട്ടിയുടെ നില ഗുരുതരം

ഹാലിഫാക്സ് നഗരമധ്യത്തിൽ ബാരിങ്ടൺ സ്ട്രീറ്റിൽ വച്ച് ആറു വയസ്സുകാരനായ കുട്ടിക്ക് കുത്തേറ്റ സംഭവത്തിൽ 19 വയസ്സുകാരിയായ യുവതി അറസ്റ്റിലായി. ഞായറാഴ്ച നടന്ന സംഭവത്തിൽ ജീവന് ഭീഷണിയാകുന്ന പരിക്കുകളോടെ കുട്ടിയെ ആശുപത്രിയിൽ പ്രവേശിപ്പിച്ചു.

പ്രതിയും ഇരയും തമ്മിൽ യാതൊരു ബന്ധവുമില്ലെന്ന് പൊലീസ് അന്വേഷണത്തിൽ വ്യക്തമായി. ഗുരുതര ആക്രമണക്കുറ്റം ചുമത്തി പ്രതിയെ അറസ്റ്റ് ചെയ്തതായി ഹാലിഫാക്സ് പൊലീസ് അറിയിച്ചു.
സംഭവസ്ഥലത്തെ സിസിടിവി ദൃശ്യങ്ങൾ ഉൾപ്പെടെയുള്ള തെളിവുകൾ ശേഖരിച്ച് അന്വേഷണം തുടരുകയാണെന്ന് പൊലീസ് വ്യക്തമാക്കി. സംഭവവുമായി ബന്ധപ്പെട്ട വീഡിയോ ദൃശ്യങ്ങൾ കൈവശമുള്ളവർ പൊലീസുമായി ബന്ധപ്പെടണമെന്ന് അധികൃതർ അഭ്യർത്ഥിച്ചു.