കനേഡിയൻ പൗരത്വം നേടാൻ ആഗ്രഹിക്കുന്നവരാണോ നിങ്ങൾ? എന്നാൽ IRCCയുടെ ഈ സുപ്രധാന മുന്നറിയിപ്പ് ശ്രദ്ധിക്കുകയും അതിനനുസരിച്ച് കാര്യങ്ങൾ ചെയ്യുകയും വേണം. പൗരത്വത്തിനായുള്ള അപേക്ഷയിൽ (CIT 0002 ഫോമിലെ ചോദ്യം 13) അപേക്ഷകന്റെ ജനനം മുതലുള്ള മുഴുവൻ യാത്രാ ചരിത്രവും, അവർ സന്ദർശിച്ച രാജ്യങ്ങളിലെ ഇമിഗ്രേഷൻ സ്റ്റാറ്റസുകളും നിർബന്ധമായും വെളിപ്പെടുത്തണം. അഞ്ച് വർഷത്തെ യാത്ര ചരിത്രം മാത്രം നൽകിയാൽ പോരാ, ഇത്രയുംകാലം മുഴുവൻ സന്ദർശിച്ച രാജ്യങ്ങൾ/പ്രദേശങ്ങൾ, അവിടെ ചെലവഴിച്ച സമയം (പുറപ്പെട്ട തീയതി, തിരിച്ചെത്തിയ തീയതി), അവിടുത്തെ ഇമിഗ്രേഷൻ സ്റ്റാറ്റസ് എന്നിവ കൃത്യമായി രേഖപ്പെടുത്തണം.
എന്തുകൊണ്ട് ഇത്ര വിശദാംശം?
വളരെ ചുരുങ്ങിയ സമയം മാത്രം ഒരു രാജ്യത്ത് ചെലവഴിച്ച ലേഓവറുകൾ പോലും യാത്രാ ചരിത്രത്തിൽ ഉൾപ്പെടുത്തണം. ഉദാഹരണത്തിന്, ഏതാനും മണിക്കൂറുകൾ വിമാനത്താവളത്തിൽ ചെലവഴിച്ചെങ്കിൽ പോലും, പ്രവേശന, പുറത്ത് പോകൽ തീയതികൾ ഒരേ ദിവസമായി രേഖപ്പെടുത്തി ‘സന്ദർശകൻ’ (Visitor) എന്ന ഇമിഗ്രേഷൻ സ്റ്റാറ്റസ് വെളിപ്പെടുത്തേണ്ടിവരും.വിസ, വർക്ക് പെർമിറ്റ് തുടങ്ങിയ ദീർഘകാല സ്റ്റാറ്റസുകൾ മാത്രമല്ല, ടൂറിസ്റ്റ് സ്റ്റാറ്റസ് ഉൾപ്പെടെയുള്ളവയും വെളിപ്പെടുത്തണം.
പൂർണ്ണമായ വിവരങ്ങൾ നൽകിയില്ലെങ്കിൽ?
യാത്രാ ചരിത്രം പൂർണമല്ലെങ്കിൽ അപേക്ഷ വൈകാനോ സങ്കീർണ്ണമാകാനോ സാധ്യതയുണ്ട്.
വിവരങ്ങൾ എങ്ങനെ ശേഖരിക്കാം?
ജനനം മുതലുള്ള യാത്രാ വിവരങ്ങൾ ശേഖരിക്കുന്നത് ശ്രമകരമാണെങ്കിലും, താഴെ പറയുന്ന മാർഗ്ഗങ്ങൾ സഹായകമാകും:
പഴയ പാസ്പോർട്ടുകൾ പരിശോധിക്കുക: നിലവിലുള്ളതും കാലഹരണപ്പെട്ടതുമായ എല്ലാ പാസ്പോർട്ടുകളിലെയും സ്റ്റാമ്പുകൾ എൻട്രി, എക്സിറ്റ് തീയതികൾ മനസ്സിലാക്കാൻ സഹായിക്കും.
ഇമെയിൽ പരിശോധിക്കുക: ഇലക്ട്രോണിക് ട്രാവൽ ഓതറൈസേഷൻ (eTA) അംഗീകാരങ്ങൾക്കായുള്ള ഇമെയിലുകൾ തിരയുക.
ട്രാവൽ ബുക്കിംഗുകൾ: പഴയ എയർലൈൻ ബുക്കിംഗുകൾ, യാത്രാ ഷെഡ്യൂളുകൾ, ഹോട്ടൽ/എയർബിഎൻബി ബുക്കിംഗുകൾ എന്നിവ കൃത്യമായ തീയതികൾ കണ്ടെത്താൻ സഹായിക്കും. ലേഓവറുകൾ ഉൾപ്പെടെയുള്ള വിവരങ്ങൾ ഇതിൽ നിന്ന് ലഭിച്ചേക്കാം.
സോഷ്യൽ മീഡിയയും ഫോട്ടോകളും: ഫേസ്ബുക്ക്, ഇൻസ്റ്റാഗ്രാം, മറ്റ് സോഷ്യൽ മീഡിയ പോസ്റ്റുകളിലെയും ഫോട്ടോകളിലെയും തീയതികൾ ഓർമ്മകൾ പുതുക്കാനും യാത്രകൾ രേഖപ്പെടുത്താനും സഹായിക്കും.
ബാങ്ക്/ക്രെഡിറ്റ് കാർഡ് സ്റ്റേറ്റ്മെന്റുകൾ: യാത്രാ വേളയിലുണ്ടായ വലിയ ഇടപാടുകൾ, വിദേശ കറൻസി മാറ്റിയതിന്റെ രേഖകൾ, ഹോട്ടൽ പേയ്മെന്റുകൾ എന്നിവ യാത്രയുടെ ആരംഭം കുറിക്കാൻ സഹായകമാകും.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
What travel history do I have to disclose in my Canadian citizenship application?
