തിരുവനന്തപുരം: ഏകദിന ക്രിക്കറ്റില്‍ മറ്റൊരു ചരിത്രനേട്ടവുമായി വിരാട് കോഹ്ലി. വെസ്റ്റ് ഇന്‍ഡീസിനെതിരായ ആദ്യ ഏകദിനത്തിലെ ഇന്ത്യയുടെ റണ്‍ചേസിനിടെ കോഹ്ലി 15,000 ഏകദിന റണ്‍സ് പിന്നിട്ടു. അല്‍സാരി ജോസഫിനെതിരെ നേടിയ ബൗണ്ടറിയിലൂടെയാണ് താരം ഈ നാഴികക്കല്ല് പിന്നിട്ടത്. ഏകദിനത്തില്‍ 15,000 റണ്‍സ് നേടുന്ന രണ്ടാമത്തെ താരമാണ് കോഹ്ലി. സച്ചിന് ടെന്‍ഡുല്‍ക്കറാണ് ഈ നേട്ടത്തിലെത്തിയ ആദ്യ താരം.
315 മത്സരങ്ങളില്‍ 303 ഇന്നിങ്സുകളില്‍ നിന്നായി 15,002 റണ്‍സാണ് കോഹ്ലിയുടെ ഏകദിന സമ്പാദ്യം. 54 സെഞ്ചുറികളും 80 അര്‍ധസെഞ്ചുറികളും ഇതില്‍ ഉള്‍പ്പെടുന്നു. 183 റണ്‍സാണ് ഏകദിനത്തിലെ ഉയര്‍ന്ന സ്‌കോര്‍. 58.83 ആണ് കോഹ്ലിയുടെ ബാറ്റിങ് ശരാശരി. 94-ന് മുകളിലാണ് സ്‌ട്രൈക്ക് റേറ്റ്.
18,426 റണ്‍സുമായി സച്ചിന് ടെന്‍ഡുല്‍ക്കറാണ് ഏകദിനത്തിലെ ഏറ്റവും കൂടുതല്‍ റണ്‍സ് നേടിയ താരം. 463 മത്സരങ്ങളില്‍ നിന്നാണ് സച്ചിന് ഈ നേട്ടത്തിലെത്തിയത്. ഏകദിനത്തില്‍ 49 സെഞ്ചുറികളും 96 അര്‍ധസെഞ്ചുറികളും സച്ചിന്റെ പേരിലുണ്ട്.
ALSO READ: കുല്‍ദീപിന്റെ നാലുവിക്കറ്റ്; വെസ്റ്റ് ഇന്‍ഡീസിനെ തകര്‍ത്ത് ഇന്ത്യക്ക് എട്ട് വിക്കറ്റ് ജയം
2025 ഒക്ടോബറില്‍ മുന്‍ ശ്രീലങ്കന്‍ ക്യാപ്റ്റന്‍ കുമാര്‍ സംഗക്കാരയെ മറികടന്നതോടെയാണ് ഏകദിനത്തിലെ ഏറ്റവും കൂടുതല്‍ റണ്‍സ് നേടിയവരുടെ പട്ടികയില്‍ കോഹ്ലി രണ്ടാം സ്ഥാനത്തെത്തിയത്. സംഗക്കാര 14,243 റണ്‍സുമായി പട്ടികയില്‍ മൂന്നാമതാണ്. മുന്‍ ഓസ്‌ട്രേലിയന്‍ ക്യാപ്റ്റന്‍ റിക്കി പോണ്ടിങ് 13,704 റണ്‍സുമായി നാലാമതും മുന്‍ ശ്രീലങ്കന്‍ താരം സനത് ജയസൂര്യ 13,430 റണ്‍സുമായി അഞ്ചാം സ്ഥാനത്തുമാണുള്ളത്.
വെസ്റ്റ് ഇന്‍ഡീസിനെതിരായ മത്സരത്തിലും കോഹ്ലി മികച്ച പ്രകടനമാണ് പുറത്തെടുത്തത്. നേരത്തെ തന്നെ ഏകദിനത്തില്‍ നിരവധി റെക്കോര്‍ഡുകള്‍ സ്വന്തമാക്കിയിട്ടുള്ള താരത്തിന് 15,000 റണ്‍സ് നേട്ടം കരിയറിലെ മറ്റൊരു പ്രധാന അധ്യായമായി. ഏകദിന ക്രിക്കറ്റില്‍ സച്ചിനുശേഷം ഈ നാഴികക്കല്ലിലെത്തുന്ന രണ്ടാമത്തെ ബാറ്ററെന്ന നേട്ടവും ഇതോടെ കോഹ്ലിക്ക് സ്വന്തമായി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
‘Virat Kohli Reaches 15,000 ODI Runs’
