വിയറ്റ്നാമീസ് ഇലക്ട്രിക് വാഹന നിർമ്മാതാക്കളായ വിൻഫാസ്റ്റ് ഈ വർഷം ഇന്ത്യയിലും ഇന്തോനേഷ്യയിലും കാർ അസംബ്ലി പ്ലാന്റുകൾ തുറക്കാനുള്ള പദ്ധതികൾ പ്രഖ്യാപിച്ചു. പാശ്ചാത്യ വിപണികളിലെ മന്ദഗതിയിലുള്ള പുരോഗതിയും ഉയർന്ന ചെലവുകളും കാരണം ഏഷ്യയിലേക്കുള്ള തന്ത്രപരമായ ദിശമാറ്റത്തിന്റെ സൂചനയാണിത്. ഇന്ത്യയിലെ പ്ലാന്റ് ജൂൺ അവസാനത്തോടെ പ്രവർത്തനം ആരംഭിക്കുമെന്നും, ഇന്തോനേഷ്യൻ പദ്ധതി ഒക്ടോബറിൽ പ്രവർത്തനത്തിലാകുമെന്നും കമ്പനി സ്ഥാപകനും ചെയർമാനുമായ ഫാം ഞാത് വുവോങ് വ്യാഴാഴ്ച ഓഹരി ഉടമകളോട് പറഞ്ഞു.
ആദ്യം അമേരിക്കയെ തങ്ങളുടെ പ്രധാന വിദേശ വിപണിയായി ലക്ഷ്യമിട്ടിരുന്ന വിൻഫാസ്റ്റിന് കാലതാമസങ്ങളും മാറുന്ന വിപണി സാഹചര്യങ്ങളും തീർച്ചടിയായി. ഇതിൽ 4 ബില്യൺ ഡോളർ മുതൽമുടക്കുള്ള നോർത്ത് കരോലിന പ്ലാന്റിന്റെ മൂന്നു വർഷത്തെ കാലതാമസവും ഉൾപ്പെടുന്നു, ഇത് ഇപ്പോൾ 2028 ലേക്ക് മാറ്റിയിരിക്കുന്നു. ഉയർന്ന ലോജിസ്റ്റിക്സ് ഫീസുകളും അനിശ്ചിതമായ യു.എസ് നികുതികളും അമേരിക്ക, കാനഡ, യൂറോപ്യൻ യൂണിയൻ എന്നിവിടങ്ങളിലെ വിപുലീകരണത്തിന് മുൻഗണന കുറയ്ക്കാനുള്ള പ്രധാന കാരണങ്ങളായി വുവോങ് ചൂണ്ടിക്കാട്ടി. പകരം ഇന്ത്യ, ഇന്തോനേഷ്യ, ഫിലിപ്പീൻസ് എന്നിവിടങ്ങളിലെ കൂടുതൽ പ്രോത്സാഹജനകമായ അവസരങ്ങളിലേക്ക് ശ്രദ്ധ തിരിച്ചു.
ഇന്ത്യയിൽ, വിൻഫാസ്റ്റ് തമിഴ്നാട് സംസ്ഥാനവുമായി സഹകരിച്ച് 2 ബില്യൺ ഡോളർ വരെയുള്ള ദീർഘകാല നിക്ഷേപ പദ്ധതിയിൽ പ്രവർത്തിക്കുന്നു. ആദ്യത്തെ അഞ്ച് വർഷത്തേക്ക് 500 മില്യൺ ഡോളർ നിക്ഷേപിക്കാകയും, പ്രതിവർഷം 150,000 വാഹനങ്ങളുടെ ഉത്പാദന ശേഷയുമാണ് ലക്ഷ്യമിടുന്നത്. 2023 ജൂലൈയിൽ നിർമ്മാണം ആരംഭിച്ച തങ്ങളുടെ ഇന്തോനേഷ്യൻ പ്ലാന്റ് ഒക്ടോബറോടെ പ്രവർത്തനക്ഷമമാകുമെന്ന് കമ്പനി സ്ഥിരീകരിച്ചു. ആഭ്യന്തരമായി, വിൻഫാസ്റ്റ് ഈ വർഷം വിയറ്റ്നാമിൽ വിൽപ്പന ഇരട്ടിയാക്കി 200,000 യൂണിറ്റാക്കാൻ ലക്ഷ്യമിടുകയാണ്,2024-ൽ ഇത് 97,000 ആയിരുന്നു. എന്നാൽ വിപണി അടിസ്ഥാനമാക്കിയുള്ള പ്രവചനങ്ങൾ അവർ വെളിപ്പെടുത്തിയിട്ടില്ല.
2017-ൽ സ്ഥാപിതമായ വിൻഫാസ്റ്റ് 2022-ൽ പൂർണ്ണമായും ഇലക്ട്രിക് വാഹനങ്ങളിലേക്ക് മാറിയിരുന്നു. കമ്പനി മൂലധന പിന്തുണയെ വലിയ തോതിൽ ആശ്രയിച്ചിട്ടുണ്ട്, മാതൃ കമ്പനിയായ വിൻഗ്രൂപ്പ്, അനുബന്ധ സ്ഥാപനങ്ങൾ, എന്നിവയിൽ നിന്ന് ഏകദേശം 17 ബില്യൺ ഡോളർ ലഭിച്ചിട്ടുണ്ട്. ഓഹരി ഉടമകളുടെ യോഗത്തിൽ, വുവോങ് കൂടുതൽ വിശാലമായ ആകാംക്ഷകളും വെളിപ്പെടുത്തി. ഇതിൽ വിൻഗ്രൂപ്പിന്റെ ആതിഥ്യമേഖലയായ വിൻപേൾ പട്ടികപ്പെടുത്തുന്നതും, 25.5 ഗിഗാവാട്ട് ആകെയുള്ള പുനരുപയോഗ ഊർജ്ജവും എൽഎൻജി പവർ പ്രോജക്ടുകളും വികസിപ്പിക്കാനുള്ള പദ്ധതികളും ഉൾപ്പെടുന്നു. ഇത് വിയറ്റ്നാമിന്റെ സാമ്പത്തിക പരിവർത്തനത്തിൽ ഗ്രൂപ്പിന്റെ വളരുന്ന പങ്ക് ശക്തിപ്പെടുത്തുന്നു.
