ന്യൂജഴ്സി: അമേരിക്കൻ പ്രസിഡന്റ് ഡോണൾഡ് ട്രംപിനെ അനുകൂലിക്കുന്ന സന്ദേശമെഴുതിയ വസ്ത്രം ധരിച്ച കൗമാരക്കാരിയെ മർദിച്ച സംഭവത്തിൽ കനേഡിയൻ യുവതിയെ നാടുകടത്താനൊരുങ്ങി അമേരിക്ക. കെയ്റ്റ്ലിൻ ട്രേസി എന്ന യുവതിയെയാണ് യുഎസ് ഡിപ്പാർട്ട്മെന്റ് ഓഫ് ഹോംലാൻഡ് സെക്യൂരിറ്റി കാനഡയിലേക്ക് തിരിച്ചയക്കാൻ ഉത്തരവിട്ടത്.
കഴിഞ്ഞ ജൂലൈ 3-ന് ന്യൂജഴ്സിയിലെ പോയിന്റ് പ്ലസന്റ് ബീച്ചിൽ സ്വാതന്ത്ര്യദിന വാരാന്ത്യ ആഘോഷങ്ങൾക്കിടെയായിരുന്നു സംഭവം. ദേശഭക്തി സൂചിപ്പിക്കുന്ന നിറങ്ങളും രാഷ്ട്രീയ മുദ്രാവാക്യങ്ങളുമുള്ള വസ്ത്രം ധരിച്ചെത്തിയ പെൺകുട്ടിയുമായി കെയ്റ്റ്ലിൻ തർക്കത്തിലേർപ്പെടുകയും മുഖത്തടിക്കുകയുമായിരുന്നു. അക്രമത്തിന്റെ അഞ്ച് സെക്കൻഡ് ദൈർഘ്യമുള്ള വിഡിയോ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു.
സംഭവത്തിനു പിന്നാലെ പിടിയിലായ കെയ്റ്റ്ലിനെതിരെ ആക്രമണം, ഭീഷണിപ്പെടുത്തൽ, ഔദ്യോഗിക കൃത്യനിർവഹണം തടസ്സപ്പെടുത്തൽ എന്നീ കുറ്റങ്ങളാണ് ചുമത്തിയത്. തുടർന്ന് നടത്തിയ പരിശോധനയിൽ ഇവരുടെ വീസ കാലാവധി കഴിഞ്ഞതായി കണ്ടെത്തി. 2024 ഏപ്രിൽ 14-ന് അമേരിക്കയിലെത്തിയ കെയ്റ്റ്ലിന്റെ വീസ കാലാവധി സെപ്റ്റംബർ 6-ന് അവസാനിച്ചതാണ്. ഇതേത്തുടർന്നാണ് ഇവരെ നാടുകടത്താൻ അധികൃതർ ഉത്തരവിട്ടത്.
Teenager wearing pro-Trump clothing assaulted: US moves to deport Canadian woman.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
