ടൊറന്റോ: ഫിഫ ലോകകപ്പ് ആവേശത്തിലേക്ക് ലോകം നീങ്ങുമ്പോൾ, കാനഡയിലെത്തുന്ന ഫുട്ബോൾ ആരാധകർക്കായി ഒരു വേറിട്ട സുരക്ഷാ മുൻകരുതലുമായി ടൊറന്റോ പബ്ലിക് ഹെൽത്ത്. ഇക്കുറി കളി കാണാനെത്തുന്നവർക്ക് സൗജന്യമായി കോണ്ടം വിതരണം ചെയ്യാനാണ് അധികൃതരുടെ തീരുമാനം. സുരക്ഷിത ലൈംഗികത ഉറപ്പാക്കുക എന്ന ലക്ഷ്യത്തോടെയാണ് ഈ നടപടി.
ലക്ഷക്കണക്കിന് ആരാധകരാണ് ലോകകപ്പ് മത്സരങ്ങൾക്കായി കാനഡയിലേക്ക് ഒഴുകിയെത്തുന്നത്. ഇവരുടെ സുരക്ഷ മുൻനിർത്തി ടൊറന്റോയിലെ സെക്ഷ്വൽ ഹെൽത്ത് ക്ലിനിക്കുകൾ വഴിയായിരിക്കും വിതരണം. ഫിഫ ലോകകപ്പ് തീമിൽ പ്രത്യേകം രൂപകൽപ്പന ചെയ്ത പാക്കറ്റുകളിലാണ് ഈ കോണ്ടങ്ങൾ ആരാധകരിലേക്ക് എത്തുക എന്ന പ്രത്യേകതയുമുണ്ട്.
യുഎസ്, മെക്സിക്കോ, കാനഡ നഗരങ്ങളിലായാണ് ഇക്കുറി ലോകകപ്പ് അരങ്ങേറുക. 6.5 ദശലക്ഷം ആരാധകർ മത്സരങ്ങൾ കാണാൻ നേരിട്ടെത്തുമെന്നാണ് കണക്കുകൂട്ടൽ. ചരിത്രത്തിലാദ്യമായി 48 ടീമുകൾ മാറ്റുരയ്ക്കുന്ന ഈ ടൂർണമെന്റിൽ ആകെ 104 മത്സരങ്ങളുണ്ടാകും. കാനഡയിൽ ടൊറന്റോയ്ക്കു പുറമേ വാൻകൂവർ നഗരവും ലോകകപ്പ് മത്സരങ്ങൾക്കു വേദിയാകും. 13 ലോകകപ്പ് മത്സരങ്ങളാണ് കാനഡയിൽ നടക്കുക.
കൊളംബിയൻ ഗായിക ഷക്കീറ പങ്കുവെച്ച ഇത്തവണത്തെ ഫിഫ ലോകകപ്പിൻറെ ഔദ്യോഗിക ഗാനം ഇപ്പോൾ തന്നെ എല്ലായിടത്തും വൈറലാണ്. ‘ഡായ് ഡായ്’ എന്നു തുടങ്ങുന്ന ഗാനം ആലപിച്ചിരിക്കുന്നതും വിഡിയോയിൽ അഭിനയിച്ചിരിക്കുന്നതും ഷക്കീറ തന്നെയാണ്. ഒരു മിനിറ്റ് ദൈർഘ്യമുളള വിഡിയോ ഇൻസ്റ്റഗ്രാമിലാണ് താരം പങ്കുവച്ചത്. കാറ്റി പെറി അടക്കമുളള പ്രമുഖർ വിഡിയോയ്ക്ക് താഴെ കമൻറുകളുമായെത്തിയിരുന്നു.
Toronto offers free World Cup condoms
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
