ഇന്ത്യൻ സിനിമാ ലോകത്തെ ജനപ്രീതിയുള്ള നായകന്മാരുടെ മെയ് മാസത്തെ പുതിയ പട്ടിക പ്രമുഖ മീഡിയ കൺസൾട്ടിംഗ് സ്ഥാപനമായ ഓർമാക്സ് മീഡിയ പുറത്തുവിട്ടു. കഴിഞ്ഞ മാസങ്ങളിലേതുപോലെ തെന്നിന്ത്യൻ പാൻ-ഇന്ത്യൻ താരം പ്രഭാസ് തന്നെയാണ് ഇത്തവണയും ജനപ്രീതിയിൽ ഒന്നാം സ്ഥാനം നിലനിർത്തിയത്. നിരന്തരമായി വലിയ പ്രൊജക്റ്റുകളിലൂടെ വാർത്തകളിൽ നിറഞ്ഞുനിൽക്കാൻ സാധിക്കുന്നതാണ് പ്രഭാസിനെ വീണ്ടും ഒന്നാമതെത്തിച്ചത്. ‘സ്പിരിറ്റ്’ ഉൾപ്പെടെയുള്ള വമ്പൻ ചിത്രങ്ങളാണ് പ്രഭാസിന്റേതായി ഇനി പുറത്തിറങ്ങാനുള്ളത്.
തെന്നിന്ത്യൻ പ്രേക്ഷകരുടെ പ്രിയതാരവും തമിഴ്നാട് മുഖ്യമന്ത്രിയുമായ വിജയ് പട്ടികയിൽ ഒരു സ്ഥാനം മെച്ചപ്പെടുത്തിയിട്ടുണ്ട്. ഏപ്രിൽ മാസത്തിൽ നാലാം സ്ഥാനത്തായിരുന്ന വിജയ് മെയ് മാസത്തിൽ മൂന്നാം സ്ഥാനത്തേക്ക് തിരിച്ചെത്തി. ഏതാനും മാസങ്ങൾക്ക് മുൻപ് രണ്ടാം സ്ഥാനത്തുണ്ടായിരുന്ന താരം, രാഷ്ട്രീയ തിരക്കുകൾക്കിടയിലും ജനപ്രീതിയിൽ മുൻപന്തിയിൽ തന്നെയുണ്ടെന്ന് പുതിയ റാങ്കിംഗ് വ്യക്തമാക്കുന്നു.
ബോളിവുഡ് ബാദ്ഷാ ഷാരൂഖ് ഖാൻ ആണ് പട്ടികയിൽ രണ്ടാം സ്ഥാനത്തുള്ളത്. വിജയ്ക്ക് തൊട്ടുപിന്നാലെ നാലാം സ്ഥാനത്ത് പുഷ്പ താരം അല്ലു അർജുനും, അഞ്ചാം സ്ഥാനത്ത് തെലുങ്ക് സൂപ്പർ താരം മഹേഷ് ബാബുവുമാണ് ഇടംപിടിച്ചിരിക്കുന്നത്. ഇന്ത്യൻ സിനിമയിലെ സൂപ്പർതാരങ്ങൾ തമ്മിലുള്ള കടുത്ത ജനപ്രീതി പോരാട്ടമാണ് ഓർമാക്സിന്റെ പുതിയ റിപ്പോർട്ടിൽ പ്രതിഫലിക്കുന്നത്.
The beloved actor of Malayalis is number one in popularity; Vijay has improved one position; Ormax list is out!
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
