ബ്രിട്ടീഷ് കൊളംബിയ: ബ്രിട്ടീഷ് കൊളംബിയയിലെ വൻകിട തൊഴിലുടമകൾക്കിടയിൽ ഡിക്ലറേഷൻ ഓൺ ദി റൈറ്റ്സ് ഓഫ് ഇൻഡിജിനസ് പീപ്പിൾസ് ആക്ട് (DRIPA) വലിയ അനിശ്ചിതത്വം സൃഷ്ടിക്കുന്നതായി ബിസിനസ് കൗൺസിൽ ഓഫ് ബി.സി പുറത്തുവിട്ട പുതിയ സർവ്വേ വ്യക്തമാക്കുന്നു. സർവ്വേയിൽ പങ്കെടുത്ത നൂറ് ശതമാനം അംഗങ്ങളും നിയമം നടപ്പിലാക്കുന്നതിലെ അവ്യക്തതയിൽ ആശങ്ക പ്രകടിപ്പിച്ചപ്പോൾ, ഭൂരിഭാഗം പേരും പ്രവിശ്യയിലെ തങ്ങളുടെ നിക്ഷേപങ്ങൾ കുറയ്ക്കുകയാണെന്നും വ്യക്തമാക്കിക്കഴിഞ്ഞു. വ്യക്തമായ നിയമപരമായ ഉറപ്പില്ലാതെ ബി.സിയിൽ ഭൂമി വാങ്ങാനോ കൂടുതൽ മൂലധനം ചെലവഴിക്കാനോ തങ്ങൾ തയ്യാറല്ലെന്ന് പ്രമുഖ കമ്പനിയായ വെസ്ബിൽഡ് ഹോൾഡിംഗ്സിന്റെ സി.ഇ.ഒ കെവിൻ ലെയ്ഡൻ തുറന്നടിച്ചു.
ഈ റിപ്പോർട്ടിനെത്തുടർന്ന് പ്രവിശ്യാ ഭരണകൂടത്തിനെതിരെ കടുത്ത വിമർശനവുമായി ബി.സി കൺസർവേറ്റീവ് പാർട്ടി രംഗത്തെത്തിയിട്ടുണ്ട്. നിക്ഷേപകർ പ്രവിശ്യ വിടുന്നത് സമ്പദ്വ്യവസ്ഥയെ ബാധിക്കുമെന്ന് പ്രതിപക്ഷം മുന്നറിയിപ്പ് നൽകിയെങ്കിലും, പ്രവിശ്യയുടെ സാമ്പത്തിക വളർച്ചാ കണക്കുകൾ നിരത്തി ജോബ്സ് ആൻഡ് ഇക്കണോമിക് ഗ്രോത്ത് മന്ത്രി രവി കാലൻ ഈ വാദങ്ങളെ പ്രതിരോധിച്ചു.
നിയമത്തിൽ ഭേദഗതി വരുത്തുമെന്ന് എൻ.ഡി.പി സർക്കാർ അറിയിച്ചിട്ടുണ്ടെങ്കിലും, രാഷ്ട്രീയ നേട്ടത്തിനായി തെറ്റായ വിവരങ്ങൾ പ്രചരിപ്പിക്കുകയാണെന്ന് ഫസ്റ്റ് നേഷൻസ് നേതാക്കൾ ആരോപിക്കുന്നു. നിയമത്തെച്ചൊല്ലിയുള്ള ഈ രാഷ്ട്രീയ തർക്കം വരാനിരിക്കുന്ന തിരഞ്ഞെടുപ്പിലും വലിയ ചർച്ചാവിഷയമാകാനാണ് സാധ്യത.
Business group says 100% of members who responded to survey concerned about implementation of DRIPA
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
