കനേഡിയൻ പൗരന്മാർക്ക് അമേരിക്കൻ യാത്രാ നിയമങ്ങളിൽ പ്രധാനപ്പെട്ട മാറ്റം വരുന്നു. ഏപ്രിൽ 11 മുതൽ US-ൽ 30 ദിവസത്തിലധികം താമസിക്കുന്ന എല്ലാ വിദേശ പൗരന്മാരും, കനേഡിയൻ പൗരന്മാർ ഉൾപ്പെടെ, നിർബന്ധമായും രജിസ്റ്റർ ചെയ്യേണ്ടതുണ്ട്. U.S ഹോംലാൻഡ് സെക്യൂരിറ്റി വകുപ്പിന്റെ പുതിയ നയത്തിന്റെ ഭാഗമായാണ് ഈ നിയമം നടപ്പിലാക്കുന്നത്.ഈ നിയമം ലംഘിക്കുന്നവർക്ക് പിഴയും നിയമപരമായ നടപടികളും നേരിടേണ്ടി വരും.
പുതിയ നിയമം അനുസരിച്ച്, കനേഡിയൻ പൗരന്മാർ US-ൽ 30 ദിവസത്തിലധികം താമസിക്കുമ്പോൾ അവരുടെ സ്ഥിതി പരിശോധിക്കാനും രജിസ്റ്റർ ചെയ്യാനും U.S സിറ്റിസൺഷിപ് ആൻഡ് ഇമിഗ്രേഷൻ സർവീസസ് വെബ്സൈറ്റ് അല്ലെങ്കിൽ U.S കസ്റ്റംസ് ആൻഡ് ബോർഡർ പ്രൊട്ടക്ഷൻ സൈറ്റിലെ I-94 അഡ്മിഷൻ ഫോം ഉപയോഗിക്കേണ്ടതുണ്ട്.
കാനഡ-അമേരിക്ക ബന്ധങ്ങളിൽ നിലനിൽക്കുന്ന സംഘർഷത്തിന്റെ പശ്ചാത്തലത്തിലാണ് ഈ നിയമമാറ്റം വരുന്നത്. താരിഫ് ഭീഷണികളും കാനഡ അമേരിക്കയുടെ 51-ാമത്തെ സംസ്ഥാനമാകുമെന്ന ചർച്ചകളും ഇരു രാജ്യങ്ങളുടെയും ബന്ധത്തിൽ സമ്മർദ്ദം സൃഷ്ടിച്ചിട്ടുണ്ട്. ഇതിന്റെ ഫലമായി ചില കനേഡിയൻ പൗരന്മാർ പ്രതിഷേധസ്വരൂപം U.S-സിലേക്കുള്ള യാത്ര ഒഴിവാക്കുന്നുണ്ട്. U.S-ലേക്ക് 30 ദിവസത്തിലധികം യാത്ര ആസൂത്രണം ചെയ്യുന്ന എല്ലാ കനേഡിയൻ പൗരന്മാരും ഏപ്രിൽ 11 മുതൽ നിർബന്ധമായും രജിസ്റ്റർ ചെയ്യേണ്ടതുണ്ട്. അല്ലാത്തപക്ഷം നിയമപരമായ പ്രശ്നങ്ങൾ നേരിടേണ്ടി വരും.
ഈ നിയമം പാലിക്കാൻ യാത്രക്കാർ പ്രത്യേകം ശ്രദ്ധിക്കേണ്ടതാണ്.
U.S അധികാരികൾ ഈ നിബന്ധന കർശനമായി നടപ്പിലാക്കുമെന്ന് പ്രതീക്ഷിക്കുന്നു. അതിനാൽ U.S-ലേക്ക് ദീർഘകാല യാത്ര പദ്ധതിയിടുന്ന കനേഡിയൻ പൗരന്മാർ ഇക്കാര്യത്തിൽ മുൻകരുതലെടുക്കേണ്ടതും ആവശ്യമായ രേഖകൾ സമയബന്ധിതമായി സമർപ്പിക്കേണ്ടതുമാണ്. കൂടുതൽ വിവരങ്ങൾക്ക് U.S എംബസിയുമായോ കോൺസുലേറ്റുമായോ ബന്ധപ്പെടാൻ അധികൃതർ നിർദ്ദേശിച്ചിട്ടുണ്ട്.
