റജീന: ആശുപത്രി ജീവനക്കാരുടെയും രോഗികളുടെയും സുരക്ഷ ഉറപ്പാക്കുന്നതിന്റെ ഭാഗമായി റൂറൽ ഹെൽത്ത് സെന്ററുകളിൽ കൂടുതൽ സുരക്ഷാ ഓഫീസർമാരെ നിയമിക്കാൻ സസ്കാച്ചെവൻ ഹെൽത്ത് അതോറിറ്റി (SHA) തീരുമാനിച്ചു. തൊഴിലിടങ്ങളിലെ സുരക്ഷ വർദ്ധിപ്പിക്കുന്നതിന്റെ ഭാഗമായാണ് ഈ പുതിയ നടപടി.
2025-ൽ പ്രിൻസ് ആൽബർട്ട്, നോർത്ത് ബാറ്റിൽഫോർഡ്, ലോയ്ഡ്മിൻസ്റ്റർ എന്നിവിടങ്ങളിൽ പരീക്ഷണാടിസ്ഥാനത്തിൽ നടപ്പിലാക്കിയ പദ്ധതി വൻ വിജയമായതിനെത്തുടർന്നാണ് ഇത് കൂടുതൽ സ്ഥലങ്ങളിലേക്ക് വ്യാപിപ്പിക്കുന്നത്. ലാ ലോച്ച്, സ്വിഫ്റ്റ് കറന്റ്, മൂസ് ജോ, നിപാവിൻ, മെൽഫോർട്ട് എന്നീ അഞ്ച് പുതിയ കേന്ദ്രങ്ങളിലാണ് ആദ്യ ഘട്ടത്തിൽ സുരക്ഷ ശക്തമാക്കുന്നത്.
‘കോർപ്സ് ഓഫ് കമ്മീഷണയേഴ്സ്’ എന്ന തേർഡ് പാർട്ടി ഏജൻസിക്കാണ് സുരക്ഷാ ചുമതല നൽകിയിരിക്കുന്നത്. അക്രമ സംഭവങ്ങൾ തടയുക, പ്രശ്നങ്ങൾ സമാധാനപരമായി പരിഹരിക്കുക, ആവശ്യമായ ഘട്ടങ്ങളിൽ കെയർ ടീമുകൾക്ക് പിന്തുണ നൽകുക എന്നിവയാണ് ഈ സുരക്ഷാ ജീവനക്കാരുടെ പ്രധാന ലക്ഷ്യങ്ങൾ. പുതിയ ഉദ്യോഗസ്ഥർ ഓഗസ്റ്റ് മാസത്തോടെ കേന്ദ്രങ്ങളിൽ ചുമതലയേൽക്കും. അതേസമയം, CUPE യൂണിയനുമായുള്ള കരാർ ചർച്ചകൾ പൂർത്തിയാകാത്തതിനാൽ കാംസാക്ക്, വേബേൺ, ഷെൽബ്രൂക്ക് എന്നിവിടങ്ങളിലെ നടപടികൾ വൈകുമെന്ന് അധികൃതർ വ്യക്തമാക്കി.
Sask. Health Authority adding protective services to select communities
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
