വെസ്റ്റ് എഡ്മന്റൺ മാൾ ആരാധകർ ആകാംഷയോടെ കാത്തിരിക്കുകയാണ്! ഒരു കാലത്ത് ഗാലക്സിലാൻഡിന്റെ ഹൃദയമായിരുന്ന, 37 വർഷം നമ്മളെ ആവേശം കൊള്ളിച്ച മൈൻഡ്ബെൻഡർ റോളിംഗ് കോസ്റ്റർ ഇപ്പോൾ ഓർമ്മകൾ മാത്രമാണ്. 15 നിലകളോളം ഉയരമുണ്ടായിരുന്ന ആ ഭീമാകാരൻ റൈഡിന്റെ ഒഴിഞ്ഞ സ്ഥലത്തേക്ക് ഇനി എന്ത് വരും? അതാണ് ഇപ്പോഴത്തെ വലിയ ചോദ്യം!
മാൾ അധികൃതർ പറയുന്നത്, ആ സ്ഥലത്ത് “ആവേശകരമായ ഒരു പുതിയ റൈഡ്” ഒരുങ്ങുന്നുണ്ടെന്നാണ്. പക്ഷേ എന്താണെന്നോ, എപ്പോഴാണെന്നോ ഒരു സൂചന പോലും ഇതുവരെ പുറത്തുവിട്ടിട്ടില്ല. ഇത് വെറുമൊരു സാധാരണ റൈഡ് ആയിരിക്കില്ലെന്നാണ് റീട്ടെയിൽ വിദഗ്ധർ പറയുന്നത്. കാനഡയിലെ ഏറ്റവും വലിയ മാളിന്, ആളുകളെ ഇങ്ങോട്ട് ആകർഷിക്കാൻ മറ്റെവിടെയും കാണാത്ത ഒരു അത്ഭുതം തന്നെ വേണ്ടിവരും. ഒരുപക്ഷേ, ലോകം ഇതുവരെ കാണാത്ത എന്തെങ്കിലും മാളിൽ ഒരുങ്ങുന്നുണ്ടാകാം!.
മൈൻഡ്ബെൻഡർ പോലെ തന്നെ, ആളുകളെ മാളിൽ കൂടുതൽ സമയം തങ്ങാനും കൂടുതൽ പണം ചെലവഴിക്കാനും പ്രേരിപ്പിക്കുന്ന എന്തെങ്കിലും ആയിരിക്കും പുതിയ ആകർഷണം. മൈൻഡ്ബെൻഡർ പോയപ്പോൾ മാളിന് ഒരു പല്ല് പോയത് പോലെയാണെന്നാണ് ഒരു വിദഗ്ധൻ പറയുന്നത്. “ഇനി ആ ഒഴിവ് നികത്താൻ എന്തെങ്കിലും മാന്ത്രികം വേണ്ടി വരുമെന്നും അദ്ദേഹം പറയുന്നു..!”
പുതിയ റൈഡ് വെറുമൊരു റോളിംഗ് കോസ്റ്റർ ആയിരിക്കുമോ, അതോ ഡിസ്നിയിലെ പോലെ സിനിമകളോടും സാങ്കേതികവിദ്യയോടും ബന്ധിപ്പിച്ച ഒരു അതിനൂതന അനുഭവം ആയിരിക്കുമോ? ദുബായിലെയും ഏഷ്യയിലെയും മാളുകളിൽ സ്കീ ഹിൽസും മറ്റ് അത്ഭുതങ്ങളും കാണുന്ന ഈ കാലത്ത്, വെസ്റ്റ് എഡ്മന്റൺ മാൾ വെറുമൊരു റൈഡിനപ്പുറം ലോകോത്തര നിലവാരമുള്ള എന്തെങ്കിലും ഒരുക്കാനാണ് സാധ്യത. ഹാസ്ബ്രോയുമായുള്ള നിലവിലെ പങ്കാളിത്തം പുതിയ ആകർഷണത്തിൽ എന്തെങ്കിലും സ്വാധീനം ചെലുത്തുമോ എന്നും കണ്ടറിയണം. ഒരുപക്ഷേ, ഒരു ആഗോള ഭീമൻ തന്നെ ഈ പ്രോജക്റ്റിന് പിന്നിൽ ഉണ്ടാവാം!.
പഴയ തലമുറയെ ആകർഷിച്ചതല്ല പുതിയ തലമുറയെ ആകർഷിക്കുക എന്ന് മാളിന് നന്നായി അറിയാം. അതുകൊണ്ട് തന്നെ, വരാനിരിക്കുന്നത് വെറുമൊരു റൈഡ് മാത്രമല്ല, മാളിന്റെ ഭാവിയെ തന്നെ മാറ്റിമറിക്കാൻ പോകുന്ന, നമ്മളെ അത്ഭുതപ്പെടുത്തുന്ന എന്തോ ഒന്ന് ആയിരിക്കുമെന്ന കാര്യത്തിൽ സംശയമില്ല. ഈ വലിയ രഹസ്യം പുറത്തുവരുമ്പോൾ നമ്മൾ ശരിക്കും ഞെട്ടും..!
