ക്യുബെക് സിറ്റി: ക്യുബെക് പ്രവിശ്യയിലെ സ്കിൽഡ് വർക്കർ സെലക്ഷൻ പ്രോഗ്രാമിലേക്ക് (PSTQ) നടന്ന ഏറ്റവും പുതിയ നറുക്കെടുപ്പിൽ 649 ഉദ്യോഗാർത്ഥികൾക്ക് ഇൻവിറ്റേഷൻ. 2025 ഡിസംബർ 1-ന് നടന്ന ഈ തിരഞ്ഞെടുപ്പിൽ, നിലവിൽ ക്യുബെക്കിൽ താമസിക്കുന്നവരും റെഗുലേറ്റഡ് പ്രൊഫഷനുകളിൽ (നിയന്ത്രിത തൊഴിൽ മേഖലകൾ) പ്രവർത്തിക്കുന്നവരുമായ ഉദ്യോഗാർത്ഥികൾക്കാണ് ക്ഷണം ലഭിച്ചത്.
കർശനമായ ഫ്രഞ്ച് ഭാഷാ മാനദണ്ഡങ്ങൾ നിർബന്ധമാക്കിയിട്ടുണ്ട്. ഈ തെരഞ്ഞെടുപ്പിൽ തൊഴിൽ വിഭാഗമനുസരിച്ച് (FEER category) ലെവൽ 7 മുതൽ ലെവൽ 5 വരെ ഫ്രഞ്ച് പ്രാവീണ്യം ആവശ്യമായിരുന്നു. റെഗുലേറ്റഡ് പ്രൊഫഷനുകളിലെ പല ജോലികൾക്കും കുറഞ്ഞത് 717 പോയിൻ്റ് വേണമായിരുന്നു. FEER 3 മുതൽ 5 വരെയുള്ള ട്രേഡ് ജോലികൾക്ക് കുറഞ്ഞത് 535 പോയിൻ്റും ലഭിക്കണം. എൻജിനീയറിങ്, മെഡിക്കൽ സ്പെഷ്യലിസ്റ്റുകൾ, രജിസ്റ്റേർഡ് നഴ്സുമാർ, അധ്യാപകർ, കൂടാതെ ഇലക്ട്രീഷ്യൻ, വെൽഡർമാർ തുടങ്ങിയ ട്രേഡ് ജോലികളും ഈ നറുക്കെടുപ്പിൽ ഉൾപ്പെടുത്തിയിരുന്നു. ചില മെഡിക്കൽ സ്പെഷ്യലിസ്റ്റുകൾക്ക് (ഉദാഹരണത്തിന്, സർജിക്കൽ സ്പെഷ്യലിസ്റ്റുകൾ) ക്ഷണം ലഭിക്കാൻ, ക്യുബെക്കിൽ കുറഞ്ഞത് ഒരു മാസത്തെ തൊഴിൽ പരിചയം നിർബന്ധമാണ്. ക്യുബെക് പ്രവിശ്യയിൽ സ്ഥിരതാമസത്തിന് അപേക്ഷിക്കുന്നവർക്ക് ഫ്രഞ്ച് ഭാഷാ പ്രാവീണ്യം എത്രത്തോളം നിർണായകമാണെന്ന് ഈ പുതിയ നറുക്കെടുപ്പ് ഒരിക്കൽ കൂടി തെളിയിക്കുന്നുണ്ട്.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Québec invites 649 for PR under PSTQ
