കാനഡയിൽ ഇന്ത്യൻ റസ്‌റ്റോറന്റിന് തീയിട്ട സംഭവം; പ്രതികൾക്കായി വല വിരിച്ച് പൊലീസ്

കാനഡ സ്‌കാർബറോ ഇന്ത്യൻ റസ്റ്ററൻ്റിന് തീയിട്ട സംഭവത്തിൽ പ്രതികൾക്കായി തിരച്ചിൽ തുടരുന്നു. കെന്നഡി റോഡിന് സമീപം 2300 ലോറൻസ് അവന്യൂ ഈസ്റ്റിൽ സ്ഥിതി ചെയ്യുന്ന ഷാസ് ഇന്ത്യൻ റസ്റ്ററൻ്റിലാണ് തീപിടിത്തം ഉണ്ടായത്. റസ്റ്ററൻ്റ് പൂർണ്ണമായി കത്തിനശിച്ചു. ഒന്നിലധികം പ്രതികൾ റസ്റ്ററൻ്റിൻറെ മുൻവാതിൽ തകർത്ത് അകത്ത് പെട്രോൾ ഒഴിച്ച് തീയിടുകയായിരുന്നുവെന്ന് ദൃക്‌സാക്ഷികൾ പൊലീസിനോട് പറഞ്ഞു. തീ പടർന്നു പിടിച്ച സമയത്ത് ചില ജീവനക്കാർ ജോലി ചെയ്യുന്നുണ്ടായിരുന്നെങ്കിലും എല്ലാവരും രക്ഷപ്പെട്ടു.
സംഭവശേഷം കറുത്ത ഹൂഡികൾ ധരിച്ച രണ്ടോ മൂന്നോ ആളുകൾ റസ്റ്ററൻ്റിന് സമീപം നിർത്തിയിട്ടിരുന്ന വാഹനത്തിൽ രക്ഷപ്പെട്ടതായി പൊലീസ് അറിയിച്ചു.തീപിടുത്തം നടന്ന സമയത്ത് പ്രതികൾ സംഭവം സെൽഫോണുകളിൽ ചിത്രീകരിച്ചിട്ടുണ്ടെന്നും ദൃക്‌സാക്ഷികൾ മൊഴി നൽകിയിട്ടുണ്ട്.