ന്യൂഫൗണ്ട്ലാൻഡ് ആൻഡ് ലാബ്രഡോർ പ്രൊവിൻഷ്യൽ നോമിനി പ്രോഗ്രാം (PNP), അറ്റ്ലാന്റിക് ഇമ്മിഗ്രേഷൻ പ്രോഗ്രാം (AIP) എന്നിവയിലേക്ക് പുതിയ ക്ഷണം.2025 ജൂലൈ 10-ന് നടന്ന അഞ്ചാമത്തെ നറുക്കെടുപ്പിൽ 359 പേർക്ക് സ്ഥിരം താമസത്തിന് അപേക്ഷിക്കാൻ ക്ഷണം ലഭിച്ചു. ഇതിൽ ന്യൂഫൗണ്ട്ലാൻഡ് ആൻഡ് ലാബ്രഡോർ പ്രൊവിൻഷ്യൽ നോമിനി പ്രോഗ്രാം (NLPNP) വഴി 300 പേർക്കും, അറ്റ്ലാന്റിക് ഇമ്മിഗ്രേഷൻ പ്രോഗ്രാം (AIP) വഴി 59 പേർക്കുമാണ് ക്ഷണം ലഭിച്ചത്.
2025 ഫെബ്രുവരി 19-ന് പ്രവിശ്യ എക്സ്പ്രഷൻ ഓഫ് ഇൻ്ററസ്റ്റ് (EOI) സിസ്റ്റം ആരംഭിച്ചതിന് ശേഷം നടക്കുന്ന അഞ്ചാമത്തെ നറുക്കെടുപ്പാണിത്. ലഭ്യമായ വിവരങ്ങൾ പ്രകാരം, 2025-ൽ ഇതുവരെ നാല് നറുക്കെടുപ്പുകളാണ് പൂർത്തിയായിട്ടുള്ളത്. ജൂൺ 24-ന് നടന്ന നാലാമത്തെ നറുക്കെടുപ്പിൽ 320 പേർക്കും, മെയ് 29-ന് നടന്ന മൂന്നാമത്തെ നറുക്കെടുപ്പിൽ 405 പേർക്കും, മെയ് 8-ന് നടന്ന രണ്ടാമത്തെ നറുക്കെടുപ്പിൽ 328 പേർക്കും, ഏപ്രിൽ 3-ന് നടന്ന ആദ്യ നറുക്കെടുപ്പിൽ 256 പേർക്കും ക്ഷണം ലഭിച്ചിരുന്നു. ഇതോടെ 2025-ൽ ഇതുവരെ 1,309 പേർക്കാണ് ന്യൂഫൗണ്ട്ലാൻഡ് ആൻഡ് ലാബ്രഡോർ പ്രവിശ്യയിൽ നിന്ന് ക്ഷണം ലഭിച്ചത്. ഇതിൽ 1,095 പേർ NLPNP വഴിയും 214 പേർ AIP വഴിയുമാണ് ക്ഷണം കിട്ടിയത്.
ഈ വർഷം PNP അലോക്കേഷനിൽ 1,000 നോമിനേഷൻ സ്പേസുകൾ വർദ്ധിപ്പിക്കാൻ പ്രവിശ്യക്ക് സാധിച്ചത് കുടിയേറ്റം ആഗ്രഹിക്കുന്നവർക്ക് വലിയ ആശ്വാസമാണ് നൽകുന്നത്. ഇതോടെ 2025-ലെ ആകെ നോമിനേഷൻ എണ്ണം 2,525 ആയി ഉയർന്നു. EOI സമർപ്പിക്കുന്നവർക്ക് ക്ഷണം ലഭിച്ച് 60 ദിവസത്തിനുള്ളിൽ അപേക്ഷ സമർപ്പിക്കണം. കാനഡയ്ക്ക് പുറത്തുള്ള അപേക്ഷകർക്ക് സാധാരണയായി അവരുടെ തൊഴിലുടമയിൽ നിന്നുള്ള ഒരു ഇൻവൈറ്റ് കോഡ് ആവശ്യമാണ്.
