ഓട്ടവ: ഓട്ടവയിൽ പാർക്കിംഗ് സ്ഥലം വാടകയ്ക്ക് തരാമെന്ന് പറഞ്ഞ് ആളുകളിൽ നിന്ന് ലക്ഷക്കണക്കിന് രൂപ തട്ടിയെടുത്തതായി പരാതി. നഗരത്തിൽ പാർക്കിംഗ് കിട്ടാനുള്ള ബുദ്ധിമുട്ട് മുതലെടുത്താണ് തട്ടിപ്പ് നടത്തിയത്. നിലവിൽ ഇരുപതിലധികം ആളുകളാണ് പരാതിയുമായി പൊലീസിനെ സമീപിച്ചിരിക്കുന്നത്. എല്ലാ കേസുകളിലും ഒരേ ആളുടെ പേരാണ് ഉയർന്നുവരുന്നത്.
കബളിപ്പിക്കപ്പെട്ടത് ലക്ഷങ്ങൾ
ഒരു വർഷത്തേക്ക് പാർക്കിംഗ് സ്ഥലം തരാമെന്ന് വിശ്വസിപ്പിച്ചാണ് തട്ടിപ്പുകാരൻ ആളുകളിൽ നിന്ന് പണം വാങ്ങിയത്. 3,000 ഡോളറിലധികം നൽകിയവർക്ക് ദിവസങ്ങൾക്കകം പാർക്കിംഗ് ഉപയോഗിക്കാൻ പറ്റാതായി. സാമിൻ യാസർ എന്ന ആളാണ് തങ്ങളെ പറ്റിച്ചതെന്ന് തട്ടിപ്പിനിരയായ നോവ ബാങ്ക്സ്, കാത്രിൻ മാന്ലി എന്നിവർ പറഞ്ഞു.
ഓൺലൈൻ പോസ്റ്റ് വഴി സത്യം പുറത്തുവന്നു
തനിക്ക് പറ്റിയ അമളി നോവ ബാങ്ക്സ് ഫേസ്ബുക്കിലും റെഡ്ഡിറ്റിലും പങ്കുവെച്ചതോടെയാണ് തട്ടിപ്പിന്റെ വ്യാപ്തി പുറത്തറിയുന്നത്. ഇതിന് പിന്നാലെ സമാന അനുഭവമുള്ള ദീപ റാവു അടക്കം നിരവധി പേർ രംഗത്തെത്തി. തട്ടിപ്പുകാരന് ഓൺലൈൻ വഴി പണം അയക്കാൻ ശ്രമിച്ചപ്പോൾ ബാങ്ക് സംശയം തോന്നി ഇടപാട് തടഞ്ഞതുകൊണ്ടാണ് ദീപയ്ക്ക് പണം നഷ്ടപ്പെടാതിരുന്നത്.
Also Read : Alberta Referendum: ജീവനക്കാരുടെ കുറവ് പരിഹരിക്കാൻ മറ്റ് പ്രവിശ്യകളുടെ സഹായം തേടി ഇലക്ഷൻസ് ആൽബർട്ട
പൊലീസ് നൽകുന്ന ജാഗ്രതാ നിർദ്ദേശം
സംഭവത്തിൽ പൊലീസ് അന്വേഷണം ഊർജ്ജിതമാക്കിയിട്ടുണ്ട്. ഓൺലൈൻ പ്ലാറ്റ്ഫോമുകൾ വഴി പാർക്കിംഗ് സ്ഥലങ്ങളോ മുറികളോ വാടകയ്ക്കെടുക്കുമ്പോൾ ഉടമസ്ഥർ ആരാണെന്ന് കൃത്യമായി ഉറപ്പുവരുത്തണം. മുൻകൂട്ടി പണം നൽകുമ്പോൾ അതീവ ശ്രദ്ധ വേണമെന്നും ഒട്ടാവ പൊലീസ് ജനങ്ങൾക്ക് മുന്നറിയിപ്പ് നൽകി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
Major parking scam in Ottawa: Over 20 people victimized; police issue warning.
