ഷാങ്ഹായ് സഹകരണ ഉച്ചകോടിയിൽ ഭീകരവാദത്തിനെതിരെയും അതിനെ പ്രോത്സാഹിപ്പിക്കുന്ന രാജ്യങ്ങൾക്കെതിരെയും കടുത്ത നിലപാടുമായി പ്രധാനമന്ത്രി നരേന്ദ്ര മോദി. ഭീകരവാദത്തെ തുടച്ചുനീക്കേണ്ടത് മാനവരാശിയുടെ നിലനിൽപ്പിന് അനിവാര്യമാണെന്നും ഇക്കാര്യത്തിൽ യാതൊരുവിധ ഇരട്ടത്താപ്പും ഉണ്ടാകരുതെന്നും അദ്ദേഹം വ്യക്തമാക്കി. ഭീകരർക്ക് സാമ്പത്തിക സഹായവും സുരക്ഷിത താവളങ്ങളും നൽകുന്നവരെ ആഗോളതലത്തിൽ ഒറ്റപ്പെടുത്തണമെന്നും, ഭീകരവാദത്തെ ഒരു രാജ്യവും തന്ത്രപ്രധാന നയമായി ഉപയോഗിക്കരുതെന്നും പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫിന്റെ സാന്നിധ്യത്തിൽ മോദി കർശനമായി ആവശ്യപ്പെട്ടു.
ഉച്ചകോടിക്കിടെ ചൈനീസ് പ്രസിഡന്റ് ഷീ ജിൻപിങ്, റഷ്യൻ പ്രസിഡന്റ് വ്ലാദിമിർ പുടിൻ എന്നിവരുമായി പ്രധാനമന്ത്രി സൗഹൃദം പങ്കിട്ടപ്പോൾ, പാക് പ്രധാനമന്ത്രിയെ പൂർണ്ണമായും അവഗണിച്ചതും ശ്രദ്ധേയമായി. ഉച്ചകോടിയിലെ ഈ നയതന്ത്ര നീക്കങ്ങൾ ഇന്ത്യ, ചൈന, റഷ്യ സഹകരണത്തിന്റെ പ്രാധാന്യം ഉയർത്തിക്കാട്ടുന്നതായിരുന്നു. കൂടാതെ, ഈ മാസം ദില്ലിയിൽ നടക്കാനിരിക്കുന്ന ബ്രിക്സ് ഉച്ചകോടിയിൽ ഷീ ജിൻപിങ്ങിന്റെയും വ്ലാദിമിർ പുടിന്റെയും സാന്നിധ്യം ഉണ്ടാകുമെന്ന വ്യക്തമായ സൂചനകളും ഈ കൂടിക്കാഴ്ചകൾ നൽകുന്നുണ്ട്.
വികസന പദ്ധതികൾ നടപ്പിലാക്കുമ്പോൾ രാജ്യങ്ങളുടെ പരമാധികാരവും പ്രാദേശിക അഖണ്ഡതയും പൂർണ്ണമായും മാനിക്കപ്പെടണമെന്ന് പ്രധാനമന്ത്രി പ്രസംഗത്തിൽ ഓർമ്മിപ്പിച്ചു. പാക് അധീന കശ്മീരിലൂടെ കടന്നുപോകുന്ന ചൈനയുടെ നിർമ്മാണ പദ്ധതികൾക്കെതിരെയുള്ള ഇന്ത്യയുടെ പരോക്ഷമായ വിയോജിപ്പ് കൂടിയായിരുന്നു ഈ പരാമർശം. ഒപ്പം അതിർത്തി കടന്നുള്ള മയക്കുമരുന്ന് മാഫിയകളുടെ പ്രവർത്തനങ്ങൾ തടയുന്നതിനായി അംഗരാജ്യങ്ങൾ തമ്മിൽ ശക്തമായ കൂട്ടായ്മ രൂപീകരിക്കേണ്ടതുണ്ടെന്നും അദ്ദേഹം ആഹ്വാനം ചെയ്തു.
No Double Standards on Terrorism: Modi at SCO Summit
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
