പരിസ്ഥിതി സംരക്ഷണ ഗ്രൂപ്പായ എൻവയോൺമെന്റൽ വർക്കിംഗ് ഗ്രൂപ്പ് (EWG) 2025-ലെ ‘ഡേർട്ടി ഡസൻ’ (Dirty Dozen) പട്ടിക പുറത്തിറക്കി. ഏറ്റവും കൂടുതൽ കീടനാശിനി അംശം അടങ്ങിയ ജൈവമല്ലാത്ത ഉത്പന്നങ്ങളാണ് ഈ പട്ടികയിൽ ഉൾപ്പെടുത്തിയിരിക്കുന്നത്. ഈ പട്ടികയിലുള്ള 12 പഴങ്ങളിലും പച്ചക്കറികളിലും നടത്തിയ പരിശോധനയിൽ 90% സാമ്പിളുകളിലും ഹാനികരമായ കീടനാശിനി അവശിഷ്ടങ്ങൾ കണ്ടെത്തി.
ഭാരത്തിന്റെ അടിസ്ഥാനത്തിൽ ഏറ്റവും കൂടുതൽ കീടനാശിനി അടങ്ങിയത് ചീരയിലാണ്. സ്ട്രോബെറി, കെയ്ൽ, മുന്തിരി, പീച്ച്, ചെറി എന്നിവയും തൊട്ടുപിന്നിലുണ്ട്. ബ്ലാക്ക്ബെറിയും ഉരുളക്കിഴങ്ങും ഈ വർഷം പുതുതായി പട്ടികയിൽ ഇടം നേടിയിട്ടുണ്ട്. വില്പനയ്ക്കുമുമ്പ് രാസവസ്തുവായ ക്ലോർപ്രോഫാം ഉപയോഗിക്കുന്നതുകൊണ്ടാണ് ഉരുളക്കിഴങ്ങ് ഈ പട്ടികയിൽ ഉൾപ്പെട്ടത്. യൂറോപ്യൻ യൂണിയനിൽ ഈ രാസവസ്തു നിരോധിച്ചിട്ടുണ്ട്.
ഈ പട്ടികയുടെ ലക്ഷ്യം പഴങ്ങളും പച്ചക്കറികളും കഴിക്കുന്നത് നിരുത്സാഹപ്പെടുത്തുകയല്ല, മറിച്ച് കീടനാശിനി മലിനീകരണം സംബന്ധിച്ച് ഉപഭോക്താക്കൾക്ക് വിവരങ്ങൾ നൽകുകയും, കൂടുതൽ കീടനാശിനി ഉപയോഗിക്കുന്ന ഉത്പന്നങ്ങൾക്ക് പകരം ജൈവ ഉത്പന്നങ്ങൾ തിരഞ്ഞെടുക്കാൻ പ്രോത്സാഹിപ്പിക്കുകയുമാണ്.
2025-ലെ ‘ഡേർട്ടി ഡസൻ’ (കൂടുതൽ കീടനാശിനി അടങ്ങിയവ):
ചീര
സ്ട്രോബെറി
കെയ്ൽ, മസ്റ്റാർഡ് ഗ്രീൻസ്, കൊളാർഡ്സ്
മുന്തിരി
പീച്ച്
ചെറി
നെക്റ്ററിൻ
പിയർ
ആപ്പിൾ
ബ്ലാക്ക്ബെറി
ബ്ലൂബെറി
ഉരുളക്കിഴങ്ങ്
2025-ലെ ‘ക്ലീൻ ഫിഫ്റ്റീൻ’ (കീടനാശിനി കുറഞ്ഞവ):
പൈനാപ്പിൾ
മധുരച്ചോളം
അവോക്കാഡോ
പപ്പായ
സവാള
ഫ്രോസൺ സ്വീറ്റ് പീസ്
അസ്പരാഗസ്
കാബേജ്
തണ്ണിമത്തൻ
കോളിഫ്ലവർ
വാഴപ്പഴം
മാങ്ങ
കാരറ്റ്
കൂൺ
കിവി
കീടനാശിനികളുടെ ആരോഗ്യപരമായ ദോഷങ്ങൾ:
ജനന വൈകല്യങ്ങൾ, കുറഞ്ഞ ജനന ഭാരം, ക്യാൻസർ, ഡിഎൻഎ ഡാമേജ്, വന്ധ്യത തുടങ്ങിയ പല ആരോഗ്യ പ്രശ്നങ്ങളുമായും ഇതുമൂലം ഉണ്ടാകുമെന്ന് പഠനങ്ങൾ പറയുന്നു. കർഷകരും കുട്ടികളും കീടനാശിനി ആഘാതത്തിന് കൂടുതൽ സാധ്യതയുള്ളവരാണ്. ഗർഭാവസ്ഥയിൽ തന്നെ ഈ അപകടസാധ്യതകൾ ആരംഭിക്കുന്നുവെന്ന് ശിശുരോഗ വിദഗ്ദ്ധർ പറയുന്നു.
പഴങ്ങളും പച്ചക്കറികളും കഴുകേണ്ട രീതി (എഫ്.ഡി.എ. നിർദ്ദേശം):
ഒഴുകുന്ന വെള്ളത്തിനടിയിൽ കഴുകുക, കട്ടിയുള്ളവ ഉരച്ച് കഴുകുക. സോപ്പോ ബ്ലീച്ചോ ഉപയോഗിക്കുന്നത് ഒഴിവാക്കുക. ഇലക്കറികളുടെ പുറം ഇലകൾ നീക്കം ചെയ്യുക. ഉപയോഗശേഷം പാത്രങ്ങളും ഉപകരണങ്ങളും കഴുകി വൃത്തിയാക്കുക.
പഴങ്ങളും പച്ചക്കറികളും കഴിക്കുന്നത് ആരോഗ്യത്തിന് അത്യാവശ്യമാണ്. എന്നാൽ, കീടനാശിനി അവശിഷ്ടങ്ങൾ കൂടുതലുള്ളവ വാങ്ങുമ്പോൾ ജൈവ ഉത്പന്നങ്ങൾ തിരഞ്ഞെടുക്കുന്നത് കീടനാശിനി ആഘാതം കുറയ്ക്കാൻ സഹായിക്കും, പ്രത്യേകിച്ച് കുട്ടികൾക്കും ഗർഭിണികൾക്കും ഇത് വളരെ പ്രധാനമാണ്.
