ടൊറന്റോ: കാനഡ റവന്യൂ ഏജൻസി (CRA) 2025-ലെ ടാക്സ് റിട്ടേണുകൾ സമർപ്പിക്കാനുള്ള തീയതികൾ പ്രഖ്യാപിച്ചു. ഫെബ്രുവരി 23 മുതൽ ഓൺലൈനായി ടാക്സ് ഫയൽ ചെയ്യാം. കാനഡ ചൈൽഡ് ബെനഫിറ്റ് (CCB), ജി.എസ്.ടി ക്രഡിറ്റ് തുടങ്ങിയ സർക്കാർ ആനുകൂല്യങ്ങൾ കൃത്യമായി ലഭിക്കുന്നതിന് നികുതി റിട്ടേണുകൾ കൃത്യസമയത്ത് സമർപ്പിക്കേണ്ടത് അത്യാവശ്യമാണ്.
പ്രധാന തീയതികൾ ഓർമ്മിക്കുക:
ഫെബ്രുവരി 23, 2026: ഓൺലൈൻ ടാക്സ് ഫയലിംഗ് ആരംഭിക്കുന്നു.
മാർച്ച് 9, 2026: ലളിതമായ ടാക്സ് റിട്ടേണുകൾ ഉള്ളവർക്കായി ‘സിമ്പിൾ ഫയൽ’ (SimpleFile) സേവനം ആരംഭിക്കും.
ഏപ്രിൽ 30, 2026: ടാക്സ് ഫയൽ ചെയ്യാനും കുടിശ്ശികയുള്ള തുക അടയ്ക്കാനുമുള്ള അവസാന തീയതി.
ജൂൺ 15, 2026: സ്വയം തൊഴിൽ ചെയ്യുന്നവർക്ക് (Self-employed) റിട്ടേൺ സമർപ്പിക്കാനുള്ള അവസാന തീയതി. എന്നാൽ നികുതി കുടിശ്ശിക ഏപ്രിൽ 30-നകം തന്നെ അടയ്ക്കണം.
ആനുകൂല്യങ്ങൾ പ്രവിശ്യകൾ തിരിച്ച്
കാനഡയിലെ വിവിധ പ്രവിശ്യകളിൽ ലഭിക്കുന്ന ശരാശരി ആനുകൂല്യങ്ങളിൽ വലിയ വ്യത്യാസമുണ്ട്. കഴിഞ്ഞ വർഷത്തെ കണക്കനുസരിച്ച് ഏറ്റവും കൂടുതൽ ചൈൽഡ് ബെനഫിറ്റ് (CCB) ലഭിച്ചത് നുനാവട്ടിലാണ് (ശരാശരി $12,139). ഏറ്റവും കുറവ് യൂക്കോണിലും ($6,331). ഒന്റാറിയോയിൽ ശരാശരി $8,624 ആണ് ലഭിക്കുന്നത്. ജി.എസ്.ടി ക്രഡിറ്റിൽ ന്യൂഫൗണ്ട്ലാൻഡ് ആൻഡ് ലാബ്രഡറാണ് മുന്നിൽ.
പുതുതായി കാനഡയിൽ എത്തിയവർ ശ്രദ്ധിക്കാൻ
നിങ്ങൾക്ക് വരുമാനം കുറവാണെങ്കിലും ഇല്ലെങ്കിലും ടാക്സ് റിട്ടേൺ സമർപ്പിക്കുന്നത് ഗുണകരമാണ്. എങ്കിൽ മാത്രമേ സർക്കാർ നൽകുന്ന സാമ്പത്തിക ആനുകൂല്യങ്ങൾക്ക് നിങ്ങൾക്ക് അർഹതയുണ്ടാവുകയുള്ളൂ. ആദ്യമായി ടാക്സ് ഫയൽ ചെയ്യുന്നവർക്ക് സഹായത്തിനായി കാനഡയിലുടനീളം സൗജന്യ ടാക്സ് ക്ലിനിക്കുകൾ (Free Tax Clinics) പ്രവർത്തിക്കുന്നുണ്ട്.
വേഗത്തിൽ പണം ലഭിക്കാൻ ‘ഡയറക്ട് ഡെപ്പോസിറ്റ്’
ടാക്സ് റീഫണ്ട് തുക വേഗത്തിൽ ലഭിക്കുന്നതിന് സി.ആർ.എ (CRA) അക്കൗണ്ടിൽ ബാങ്ക് വിവരങ്ങൾ നൽകി ‘ഡയറക്ട് ഡെപ്പോസിറ്റ്’ സൗകര്യം ഉറപ്പാക്കുക. കഴിഞ്ഞ വർഷം ലഭിച്ച റീഫണ്ടുകളിൽ 79 ശതമാനവും ഇത്തരത്തിൽ നേരിട്ട് ബാങ്ക് അക്കൗണ്ടുകളിലേക്ക് അയക്കുകയാണ് ചെയ്തത്. ശരാശരി 2,000 ഡോളറാണ് ഒരാൾക്ക് റീഫണ്ടായി ലഭിച്ചത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
New CRA 2026 Tax Season Changes: Key Details & CCB/GST Amounts
