മോങ്ക്ടൺ : പ്രൊവിൻഷ്യൽ സെക്യൂരിറ്റി അഡ്വൈസർ ഓഫിസിന്റെ പ്രവർത്തനങ്ങൾക്ക് വ്യക്തമായ നിയമപരമായ അടിത്തറ വേണമെന്ന ഗ്രീൻ പാർട്ടി നേതാവ് ഡേവിഡ് കൂണിന്റെ ആവശ്യത്തോട് പ്രതികരിക്കുകയായിരുന്നു മന്ത്രി റോബർട്ട് ഗൗവിൻ. ഏതാണ്ട് പത്തു വർഷത്തിലേറെയായി പ്രവർത്തിക്കുന്ന ഈ ഓഫിസിന്റെ അധികാരപരിധികളെക്കുറിച്ച് നിലവിൽ നിയമപരമായ നിർവചനങ്ങളില്ല. നിയമനിർമ്മാണത്തിനുള്ള പ്രവർത്തനങ്ങൾ നടന്നു വരികയാണെന്നും എന്നാൽ ഇത് പൂർത്തിയാക്കാൻ പ്രത്യേക സമയപരിധി നിശ്ചയിച്ചിട്ടില്ലെന്നും മന്ത്രി അറിയിച്ചു. ഒട്ടാവയിലെ മാതൃകയിൽ ഓഫിസിന്റെ പ്രവർത്തനങ്ങൾ നിരീക്ഷിക്കാൻ നിയമസഭാ സമിതിയെ നിയോഗിക്കുന്ന കാര്യം ചർച്ച ചെയ്യാമെന്നും ഗൗവിൻ വ്യക്തമാക്കി.
കോവിഡ് കാലഘട്ടത്തിൽ പൗരന്മാരുടെ യാത്രാ വിവരങ്ങളും സർക്കാർ നയങ്ങൾക്കെതിരെ അതൃപ്തി പ്രകടിപ്പിക്കുന്നവരുടെ ഓൺലൈൻ ഇടപെടലുകളും ഈ ഓഫിസ് നിരീക്ഷിച്ചതായി മുൻ ആർസിഎംപി (RCMP) ഉദ്യോഗസ്ഥൻ ലാറി ട്രെംബ്ലെ പരാതിപ്പെട്ടിരുന്നു. 911 എമർജൻസി സർവീസുകളിൽ നിന്നുള്ള വ്യക്തിഗത വിവരങ്ങൾ ശേഖരിക്കാനുള്ള നീക്കത്തിനെതിരെ 2021-ൽ അദ്ദേഹം ഓംബുഡ്സ്മാന് പരാതി നൽകി.
എന്നാൽ, വ്യക്തികളെ തിരിച്ചറിയാൻ കഴിയാത്ത വിധം ക്രോഡീകരിച്ച വിവരങ്ങൾ (aggregated, anonymized data) മാത്രമാണ് നിരീക്ഷണത്തിനായി ഉപയോഗിച്ചതെന്നാണ് വകുപ്പിന്റെ വിശദീകരണം. ഭീഷണികൾ കണ്ടെത്തി ബന്ധപ്പെട്ട ഏജൻസികളെ അറിയിക്കുകയാണ് സെക്യൂരിറ്റി ഓഫിസിന്റെ ചുമതലയെന്നും വിവരങ്ങൾ ശേഖരിക്കുകയല്ല അവരുടെ ലക്ഷ്യമെന്നും മന്ത്രി കൂട്ടിച്ചേർത്തു.
New Brunswick Security Office: Government moves to enact new legislation
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
