മലയാളികളുടെ പ്രിയപ്പെട്ട മോഹൻലാൽ – എം.ജി. ശ്രീകുമാർ കൂട്ടുകെട്ടിൽ നിന്നുമൊരു പുതിയ ഗാനം കൂടി പ്രേക്ഷകരിലേക്ക്. ‘തുടരും’ എന്ന ഹിറ്റ് ചിത്രത്തിന് ശേഷം മോഹൻലാലും തരുൺ മൂർത്തിയും വീണ്ടും ഒന്നിക്കുന്ന ‘അതിമനോഹരം’ എന്ന ചിത്രത്തിലെ ‘സുന്ദര രാവണൻ’ എന്ന ഗാനമാണ് ആദ്യ സിംഗിളായി പുറത്തുവന്നത്. കേരളപ്പിറവി ദിനത്തിലാണ് ഈ ഗാനം അണിയറപ്രവർത്തകർ റിലീസ് ചെയ്തത്. ബി.കെ. ഹരിനാരായണന്റെ വരികൾക്ക് ജേക്സ് ബിജോയ് ആണ് സംഗീതം പകർന്നിരിക്കുന്നത്.
ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ഒരുങ്ങുന്ന ചിത്രം ഈ വർഷം ഡിസംബർ 24-ന് ക്രിസ്മസ് റിലീസായി തിയറ്ററുകളിലെത്തും. ടി.എസ്. ലവ്‌ലജൻ എന്ന പോലീസ് ഉദ്യോഗസ്ഥനായാണ് ചിത്രത്തിൽ മോഹൻലാൽ എത്തുന്നത്. മലയ്ക്ക് പോകുന്ന സ്വാമിമാർക്കിടയിൽ നിൽക്കുന്ന മോഹൻലാലിന്റെ ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു. നിലവിൽ ചിത്രത്തിന്റെ ഡബ്ബിംഗ് ജോലികൾ പുരോഗമിച്ചുവരികയാണ്. രതീഷ് രവിയാണ് ചിത്രത്തിന് തിരക്കഥയൊരുക്കിയിരിക്കുന്നത്.
വൻ താരനിര തന്നെയാണ് ചിത്രത്തിൽ അണിനിരക്കുന്നത്. ലാലു അലക്സ്, മനോജ് കെ. ജയൻ, ജഗദീഷ്, ഇർഷാദ്, മുകേഷ്, സുധീഷ്, പ്രമോദ് വെളിയനാട്, സജീവൻ, ശ്രീനാഥ് ബാബു, കിരൺ പീതാംബരൻ, വിജി വിശ്വനാഥ്, ഭാമ അരുൺ, പ്രാർഥന തുടങ്ങിയവർ പ്രധാന വേഷങ്ങളിലെത്തുന്നു. ഷാജികുമാർ ഛായാഗ്രഹണവും ഷഫീക് വി.ബി എഡിറ്റിംഗും നിർവഹിക്കുന്നു. വിഷ്ണു ഗോവിന്ദ് സൗണ്ട് ഡിസൈനും ഗോകുൽദാസ് ആർട്ട് ഡയറക്ഷനും റോണക്സ് സേവ്യർ മേക്കപ്പും കൈകാര്യം ചെയ്യുന്നു.
വമ്പൻ തിയേറ്റർ റിലീസിനാണ് ചിത്രം ഒരുങ്ങുന്നത്. കേരളത്തിന് പുറത്തുള്ള ഇന്ത്യയിലെ വിതരണാവകാശം പ്രമുഖ നിർമ്മാണ കമ്പനിയായ എപിഐ ഇന്റർനാഷണലും, അമേരിക്ക ഒഴികെയുള്ള വിദേശ വിതരണാവകാശം ഹോം സ്ക്രീൻ എന്റർടെയ്ൻമെന്റും സ്വന്തമാക്കി. ഗ്ലോബൽ തലത്തിൽ മികച്ച വിതരണ പങ്കാളികളെ ഉറപ്പിച്ചതോടെ ‘അതിമനോഹരം’ വലിയ രീതിയിലുള്ള ആഗോള റിലീസിനാണ് തയ്യാറെടുക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
