യോർക്റ്റൺ: സസ്കച്ചെവാനിൽ നിന്ന് പത്ത് വർഷം മുൻപ് കാണാതായ മെകൈല ബാലിയെ കണ്ടെത്താൻ പൊതുജനങ്ങളുടെ സഹായം തേടി സസ്കച്ചെവാൻ RCMP. യോർക്റ്റൺ സ്വദേശിയായ മെകൈലയുടെ തിരോധാനത്തിന് ഒരു ദശകം തികയുന്ന സാഹചര്യത്തിലാണ് കേസ് സംബന്ധിച്ച പുതിയ വിവരങ്ങൾക്കായി പോലീസ് വീണ്ടും പൊതുജനങ്ങളുടെ സഹായം തേടിയത്.
2016 ഏപ്രിൽ 12-ന് ഉച്ചയ്ക്ക് ഒരു മണിയോടെ യോർക്റ്റൺ നഗരത്തിലെ ഫസ്റ്റ് അവന്യൂ നോർത്തിലുള്ള ബസ് ഡിപ്പോയിലാണ് 16 വയസ്സുകാരിയായ മെകൈലയെ അവസാനമായി കണ്ടത്. എന്നാൽ തുടർന്ന് നടത്തിയ അന്വേഷണത്തിൽ മെകൈല അന്ന് അവിടെനിന്ന് ബസിൽ കയറിയിട്ടില്ലെന്ന് പോലീസ് സ്ഥിരീകരിച്ചു. കഴിഞ്ഞ പത്ത് വർഷത്തിനിടെ ആയിരത്തിലധികം വിവരങ്ങൾ (tips) കേസിന്റെ ഭാഗമായി ലഭിച്ചെന്നും അവയെല്ലാം കൃത്യമായി പരിശോധിച്ചുവരികയാണെന്നും RCMP മേജർ ക്രൈംസ് ബ്രാഞ്ചിലെ ഇൻസ്പെക്ടർ ആഷ്ലി സെയിന്റ് ജർമെയിൻ വ്യക്തമാക്കി.
തങ്ങളുടെ കുടുംബത്തിന് സമാധാനം ലഭിക്കാൻ ചെറിയ സൂചനകൾ പോലും കൈമാറണമെന്ന് മെകൈലയുടെ ബന്ധുക്കൾ പ്രസ്താവനയിലൂടെ അഭ്യർത്ഥിച്ചു. വിവരങ്ങൾ അറിയാവുന്നവർക്ക് 310-RCMP എന്ന നമ്പറിലോ ‘ക്രൈം സ്റ്റോപ്പേഴ്സ്’ വഴിയോ രഹസ്യമായി വിവരങ്ങൾ കൈമാറാവുന്നതാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Mekayla Bali's disappearance: Saskatchewan RCMP again seeking public assistance
