മാരത്തോൺ-ടെറസ് ബേ ഹൈവേ 17-ൽ വാഹനാപകടം. സംഭവത്തിനെതുടർന്ന് ആ ഭാഗത്തേക്കുള്ള റോഡ് പൂർണമായും അടച്ചു.അപകടത്തിൽ ഒരു വാഹനം കത്തിനശിക്കുകയും, മൂന്ന് വാഹനങ്ങൾ കൂട്ടിയിടിക്കുകയും ചെയ്തു. ഗുരുതരമായ അപകടത്തെത്തുടർന്ന് ഹൈവേ 17 ഇരു ദിശകളിലേക്കും അടച്ചതായി ഒന്റാറിയോ പ്രൊവിൻഷ്യൽ പോലീസ് (OPP) സോഷ്യൽ മീഡിയയിലൂടെ അറിയിച്ചു.
മാരത്തോണിന് പുറത്തുള്ള ഹെറോൺ ബേ റോഡിന് സമീപത്താണ് അപകടം നടന്നത്. ഒരു ട്രാൻസ്പോർട്ട് ട്രക്ക്, ഒരു SUV, ഒരു പിക്ക്അപ്പ് ട്രക്ക് എന്നിവയാണ് കൂട്ടിയിടിച്ച വാഹനങ്ങൾ. അപകടത്തിൽ ഒരാൾക്ക് ഗുരുതരമായി പരിക്കേറ്റു. ഇയാളെ ഉടൻ തന്നെ ആശുപത്രിയിൽ എത്തിച്ചു. അപകടം നടന്നയുടൻ ഹൈവേ പൂർണ്ണമായും അടച്ചിരുന്നു. പോലീസ് സ്ഥലത്തെത്തി അന്വേഷണം തുടരുകയും റോഡ് ഗതാഗതയോഗ്യമാക്കാൻ ശ്രമിക്കുകയും ചെയ്തു.
അപകടം നടന്ന സ്ഥലത്തെ അന്വേഷണവും വാഹനങ്ങൾ നീക്കം ചെയ്യുന്നതിനുള്ള ജോലികളും ഇപ്പോഴും നടക്കുകയാണെന്ന് പോലീസ് പറഞ്ഞു. ഹൈവേ അടച്ചിട്ടതിനാൽ യാത്രക്കാർ ഈ വഴി ഒഴിവാക്കണമെന്ന് പോലീസ് നിർദ്ദേശിച്ചു. റോഡ് പൂർവസ്ഥിതിയിലാക്കാൻ ഇനിയും മണിക്കൂറുകൾ എടുത്തേക്കും.
റോഡ് ഗതാഗതത്തെക്കുറിച്ചുള്ള പുതിയ വിവരങ്ങൾക്കായി ഒന്റാറിയോ മിനിസ്ട്രി ഓഫ് ട്രാൻസ്പോർട്ടേഷൻ വെബ്സൈറ്റ് സന്ദർശിക്കുകയോ അല്ലെങ്കിൽ 511-ൽ വിളിക്കുകയോ ചെയ്യാവുന്നതാണ്. കൂടുതൽ വിവരങ്ങൾ പിന്നീട് അറിയിക്കുമെന്ന് അധികൃതർ വ്യക്തമാക്കി.
Major accident on Marathon-Terrace Bay Highway: Vehicle completely burnt; traffic halted
