ബ്രിട്ടീഷ് കൊളംബിയ : 2025-ലെ കാനഡ ഫെഡറൽ തിരഞ്ഞെടുപ്പ് അടുത്തുവരുമ്പോൾ, മെട്രോ വാൻകൂവറിലെ പല തിരഞ്ഞെടുപ്പ് മേഖലകളിലും ഫലം അനിശ്ചിതമായി തുടരുന്നു. പരമ്പരാഗതമായി NDP-യുടെയും കൺസർവേറ്റിവുകളുടെയും കോട്ടകളായിരുന്ന തിരഞ്ഞെടുപ്പ് മേഖലകൾ പോലും ലിബറലുകൾ ശക്തമായി മുന്നേറുന്നതായി അഭിപ്രായ സർവേകൾ സൂചിപ്പിക്കുന്നു. NDP നേതാവ് ജഗ്മീത് സിംഗിന് ബർണാബി സെൻട്രലിൽ സീറ്റ് നഷ്ടപ്പെടാൻ സാധ്യതയുള്ളതായി റിപ്പോർട്ടുകളുണ്ട്.
ഈ പ്രദേശത്തിലെ 23 മേഖലകളിലെ 10 മേഖലകളിൽ ഇപ്പോഴും പാർട്ടികൾക്ക് വ്യക്തമായ മുന്നേറ്റം ഇല്ല.Abbotsford-South Langley-ൽ എഡ് ഫാസ്റ്റ് ലിബറലുകൾക്ക് എതിരെ ശക്തമായ പോരാട്ടം നേരിടുന്നുണ്ട്. ട്രംപ് ഫാക്ടർ എന്നറിയപ്പെടുന്ന യുഎസ് പ്രസിഡന്റിന്റെ സ്വാധീനവും കാനഡയിലെ തിരഞ്ഞെടുപ്പിൽ പ്രതിഫലിക്കുന്നുമുണ്ട്.
“ബ്രിട്ടീഷ് കൊളംബിയയിലെ മത്സരം മുറുകിയ മേഖലകൾ ഈ തിരഞ്ഞെടുപ്പിന്റെ ഫലം നിർണയിക്കുന്നതിൽ നിർണായക പങ്ക് വഹിക്കും. ഒരോ വോട്ടും വളരെ പ്രധാനമായതിനാൽ എല്ലാ വോട്ടർമാരും തങ്ങളുടെ അവകാശം വിനിയോഗിക്കണം,” എന്ന് രാഷ്ട്രീയ വിശകലകൻ പറഞ്ഞു. തന്ത്രപരമായ വോട്ടിംഗ് രീതികൾ സ്വീകരിച്ച് വോട്ടർമാർ ചില പാർട്ടികൾക്ക് അധികാരം ലഭിക്കുന്നത് തടയാൻ ശ്രമിക്കുന്നതും ഈ തിരഞ്ഞെടുപ്പിന്റെ സവിശേഷതയാണ്.
