കൊച്ചി: മലയാള സിനിമയുടെ ചരിത്രത്തിലേക്കുള്ള വരവായി കണക്കാക്കിയ ‘Empuraan’ തിയേറ്ററുകളിൽ നിറഞ്ഞു നിൽക്കുമ്പോൾ, സിനിമ ലോകത്തിലെ പ്രമുഖരായ രണ്ട് പേരെ ചേർത്തുള്ള വരുമാന പരിശോധനയും നിയമ നടപടികളും വീണ്ടും വിവാദമാകുന്നു.
സഹനിര്‍മ്മാതാവായ ‘ഗോള്‍ഡ്’, ‘ജന ഗണ മന’, ‘കടുവ’ എന്നീ ചിത്രങ്ങളിലൂടെ ലഭിച്ച ഏകദേശം ₹40 കോടി വരുമാനവുമായി ബന്ധപ്പെട്ടാണ് ആദായ നികുതി വകുപ്പ് പൃഥ്വിരാജ് സുകുമാരന്ന് നോട്ടീസ് അയച്ചിരിക്കുന്നത്. ഈ വരുമാനം സംബന്ധിച്ച് 2025 ഏപ്രിൽ 29-ന് മുമ്പായി വിശദീകരണം നല്‍കണമെന്ന് നോട്ടീസില്‍ ആവശ്യപ്പെടുന്നു. പ്രതിഫലം ലഭിക്കാതെ അഭിനയിച്ചെങ്കിലും, കോ-പ്രൊഡ്യൂസര്‍ എന്ന നിലയിൽ ലഭിച്ച വരുമാനമെന്ന നിലയിലാണ് ഈ പരിശോധന.
ഇതിനൊപ്പം തന്നെ, പ്രമുഖ നിര്‍മ്മാതാവും വ്യവസായിയുമായ ഗോകുലം ഗോപാലന്്റെ സ്ഥാപനങ്ങളിൽ എൻഫോഴ്‌സ്‌മെന്റ് ഡയറക്ടറേറ്റ് (ED) നടത്തിയ റെയ്ഡും മലയാള സിനിമാ മേഖലയെ ഞെട്ടിച്ചിരിക്കുകയാണ്. വിദേശ സാമ്പത്തിക ഇടപാടുകളും ആസ്തികളുടെ രേഖകളും അന്വേഷിക്കുകയാണ് അന്വേഷണത്തിന്റെ ലക്ഷ്യം.
സമാനമായ സമയത്ത് രണ്ടു പ്രമുഖ സിനിമാ വ്യക്തിത്വങ്ങൾക്കുമേൽ ഇതര വകുപ്പുകൾ നീക്കമെടുത്തതോടെ, ‘Empuraan’ എന്ന വലിയ പ്രോജക്റ്റിന്റെ വിജയത്തേയും, മലയാള സിനിമയുടെ ഉയര്‍ച്ചയേയും പിന്നോട്ട് അടിക്കുന്ന പ്രവർത്തിയാണ് ഇതെന്ന് ആരാധകരും നിരീക്ഷകരും ചോദിക്കുകയാണ്.
ഇതിനുമുമ്പ്, 2022-ൽ പൃഥ്വിരാജ് ഉൾപ്പെടെ ചില പ്രമുഖരുടെ വീടുകളിലും ഓഫീസുകളിലും ആദായ നികുതി വകുപ്പ് റെയ്ഡ് നടത്തിയിരുന്നു. പിന്നീട് 2023-ൽ കള്ളപ്പണം ഉപയോഗിച്ചെന്നുള്ള വ്യാജ ആരോപണങ്ങൾക്കെതിരെ അദ്ദേഹം ശക്തമായി പ്രതികരിച്ചു. ‘₹25 കോടി പിഴ അടച്ചുവെന്നത് തികച്ചും വ്യാജം’ ആണെന്നും, നിയമനടപടി സ്വീകരിക്കുമെന്നും അദ്ദേഹം വ്യക്തമാക്കിയിരുന്നു.
നികുതി വകുപ്പ് ഇപ്പോഴത്തെ നടപടി സാധാരണ കണക്കെടുപ്പ് നടപടിയാണെന്ന് വ്യക്തമാക്കിയിട്ടുള്ളതായും റിപ്പോര്‍ട്ടുകള്‍ പറയുന്നു. എന്നാലും, ഈ പരിശോധനകളും വിവാദങ്ങളും ‘Empuraan’ എതിരാളികളെ അസ്വസ്ഥരാക്കിയതിന്റെ പ്രകടനമായിരിക്കാമെന്നായിരുന്നു പല ആരാധകരുടെയും വേദനയോടെയുള്ള പ്രതികരണങ്ങള്‍.
