ടംബ്ലർ റിഡ്ജ്: വടക്കുകിഴക്കൻ ബ്രിട്ടീഷ് കൊളംബിയയിലെ ടംബ്ലർ റിഡ്ജ് നഗരത്തെ നടുക്കിയ വെടിവെപ്പിൽ കൊല്ലപ്പെട്ടവരുടെ എണ്ണം പത്തായി. ചൊവ്വാഴ്ച നടന്ന ആക്രണം കാനഡയുടെ ചരിത്രത്തിലെ ഏറ്റവും ഭീകരമായ വെടിവെപ്പുകളിലൊന്നായി മാറി. കൊല്ലപ്പെട്ടവരിൽ പകുതിയിലധികം പേരും പ്രാദേശിക ഹൈസ്കൂളിനുള്ളിലാണ് വെടിയേറ്റു വീണത്. ഏകദേശം 2,400 പേർ മാത്രം താമസിക്കുന്ന ഈ കൊച്ചു നഗരത്തിലെ സെക്കൻഡറി സ്കൂളിലുണ്ടായ ദുരന്തം ലോകമെങ്ങുമുള്ള കനേഡിയൻ വംശജരെ ഞെട്ടിച്ചിരിക്കുകയാണ്. സംഭവത്തിന്റെ കൂടുതൽ വിശദാംശങ്ങൾ പുറത്തുവരുന്നതേയുള്ളൂ.
വേദനയോടെ ലാ ലോഷെ; താങ്ങായി സസ്കാച്ചവാൻ
സമാനമായൊരു വെടിവെപ്പിന്റെ പത്താം വാർഷികം ആചരിച്ച് ആഴ്ചകൾ പിന്നിടുമ്പോഴാണ് കാനഡയിലെ തന്നെ ലാ ലോഷെ സമൂഹത്തെ തേടി വീണ്ടും ദുരന്തവാർത്ത എത്തുന്നത്. 2016 ജനുവരി 22-ന് ലാ ലോഷെയിലെ സ്കൂളിലുണ്ടായ വെടിവെപ്പിൽ നാലുപേർ കൊല്ലപ്പെട്ടിരുന്നു. ഈ വേദന ഇപ്പോഴും ഉണങ്ങാത്ത ലാ ലോഷെയിലെ ഡെനെ ഹൈസ്കൂൾ അധികൃതർ ടംബ്ലർ റിഡ്ജിന് ഐക്യദാർഢ്യം പ്രഖ്യാപിച്ച് രംഗത്തെത്തി. “ഞങ്ങളുടെ ഹൃദയങ്ങളും പ്രാർത്ഥനകളും ഇരകൾക്കൊപ്പമാണ്. ഈ കഠിനസമയത്ത് ഞങ്ങൾ നിങ്ങൾക്കൊപ്പം നിൽക്കുന്നു,” എന്ന് സ്കൂൾ അധികൃതർ ഫേസ്ബുക്കിൽ കുറിച്ചു. പത്തു വർഷം മുൻപുള്ള അതേ വേദന തങ്ങൾക്കും തിരിച്ചറിയാനാകുമെന്ന് നോർത്തേൺ സസ്കാച്ചവനിലെ ജനപ്രതിനിധികളും അധ്യാപക സംഘടനകളും അനുസ്മരിച്ചു.
പതറാതെ അധ്യാപകരും രക്ഷാപ്രവർത്തകരും
സ്കൂളുകൾ സുരക്ഷിതമായിരിക്കണമെന്നും ടംബ്ലർ റിഡ്ജിലെ ദുരന്തം ലോകമെമ്പാടുമുള്ള വിദ്യാഭ്യാസ മേഖലയെ വേദനിപ്പിക്കുന്നതാണെന്നും സസ്കാച്ചവൻ ടീച്ചേഴ്സ് ഫെഡറേഷൻ പ്രസ്താവനയിൽ പറഞ്ഞു. അപ്രതീക്ഷിത ആക്രമണത്തിനിടയിലും ധീരമായി പ്രവർത്തിച്ച അധ്യാപകരെയും രക്ഷാപ്രവർത്തകരെയും അവർ അഭിനന്ദിച്ചു. സസ്കാച്ചവൻ പ്രീമിയർ സ്കോട്ട് മോയി, എൻഡിപി നേതാവ് കാർല ബെക്ക് തുടങ്ങിയ പ്രമുഖരും സംഭവത്തിൽ അനുശോചനം രേഖപ്പെടുത്തി. വെറും 160 വിദ്യാർത്ഥികൾ മാത്രം പഠിക്കുന്ന സ്കൂളിലുണ്ടായ ഈ മരണം കാനഡയിലെ വടക്കൻ മേഖലകളെ ഭീതിയിലാഴ്ത്തിയിരിക്കുകയാണ്.
la-loche-extends-message-of-solidarity-to-tumbler-ridge-bc-after-shooting
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
