മോൺട്രിയൽ: കാനഡയിലെ ലിബറൽ പാർട്ടിയുടെ ദേശീയ കൺവെൻഷന്റെ രണ്ടാം ദിനത്തിൽ വീഡിയോ സന്ദേശത്തിലൂടെ പാർട്ടി പ്രവർത്തകരെ അഭിസംബോധന ചെയ്ത് മുൻ പ്രധാനമന്ത്രി ജസ്റ്റിൻ ട്രൂഡോ. കാനഡയുടെ പുരോഗതിക്ക് ശക്തവും സജീവവുമായ ലിബറൽ പാർട്ടി അനിവാര്യമാണെന്ന് അദ്ദേഹം തന്റെ സന്ദേശത്തിൽ വ്യക്തമാക്കി. കഴിഞ്ഞ വർഷം പാർട്ടി കെട്ടിപ്പടുത്ത നേട്ടങ്ങളിൽ അഭിമാനം കൊള്ളണമെന്നും അദ്ദേഹം പ്രവർത്തകരോട് ആഹ്വാനം ചെയ്യുകയും ചെയ്തു.
മോൺട്രിയലിൽ നടക്കുന്ന കൺവെൻഷനിൽ പ്രധാനമന്ത്രി മാർക്ക് കാർണിക്ക് ഇപ്പോൾ വലിയ ജനപിന്തുണയാണ് ലഭിക്കുന്നത്. വരാനിരിക്കുന്ന ഉപതിരഞ്ഞെടുപ്പുകൾക്ക് ശേഷം പൊതുതിരഞ്ഞെടുപ്പ് കൂടാതെ തന്നെ ലിബറലുകൾക്ക് പാർലമെന്റിൽ ഭൂരിപക്ഷം നേടാൻ കഴിയുമെന്നാണ് പാർട്ടിയുടെ കണക്കുകൂട്ടൽ. പ്രതിപക്ഷ നിരയിൽ നിന്നുള്ള എംപിമാരെ പാർട്ടിയിലേക്ക് ആകർഷിക്കുന്നതിൽ കാർണി വിജയിച്ചതായും വിലയിരുത്തപ്പെടുന്നു.
ഈ ആഴ്ച തുടക്കത്തിൽ അഞ്ചാമത്തെ പ്രതിപക്ഷ എംപിയും പാർട്ടിയിൽ ചേർന്നതോടെ ലിബറൽ ക്യാമ്പ് ആവേശത്തിലാണ്. മുൻ കൺസർവേറ്റീവ് എംപി മെർലിൻ ഗ്ലാഡുവിനെയും പാർട്ടി നേതൃത്വം ലിബററിലേക്ക് സ്വീകരിച്ചു. വ്യത്യസ്ത ആശയങ്ങളെ ഉൾക്കൊള്ളുന്ന വിപുലമായ ഒരു രാഷ്ട്രീയ പ്രസ്ഥാനമാണ് ലിബറൽ പാർട്ടിയെന്ന് നേതാക്കൾ കൺവെൻഷനിൽ പറഞ്ഞു. വരാനിരിക്കുന്ന ഉപതിരഞ്ഞെടുപ്പുകൾ പാർട്ടിയുടെ രാഷ്ട്രീയ ഭാവിയിൽ നിർണ്ണായകമാകും.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Liberals to take power in Canada; Justin Trudeau's video message sparks excitement at convention
